Русский  >>  فارسی  >>  Душанбе 5 декабр 2016, 15:31

Душанбе ва Минск дар ду бахши муҳими ҳамкорӣ ба тавофуқ расиданд

27 декабр 2011, 03:33

Дар шаҳри Минск миёни Беларус ва Тоҷикистон санади вижаи ҳамкорӣ ба тасвиб расид.


Тибқи иттилои расида, Маркази миллии қонунгузории назди президенти Тоҷикистон бо Маркази миллии қонунгузорӣ ва тадқиқоти ҳуқуқии маъмурияти президенти Беларус Ёддошти ҳусни тафоҳум ва бо Маркази миллии иттилооти ҳуқуқии маъмурияти президенти Беларус Созишмномаи ҳамкорӣ ба имзо расонид.Гуфта мешавад, санадҳои мазкурро дар Минск аз ҷониби Тоҷикистон Маҳмад Раҳимов, сарвари Маркази миллии қонунгузории назди президенти Тоҷикистон ва аз ҷониби Беларус В. Ипатов ва О. Кравтсов, роҳбарони идораҳои зирабти Беларус дар ҳузури сафири Тоҷикистон дар он кишвар Қозидавлат Қоимдодов ба имзо расониданд.

Ёддошти ҳусни тафоҳум мубодилаи фаъолияти қонунгузорӣ, гузаронидани машваратҳои дуҷониба оид ба масъалаҳои муҳими рушди қонунгузорӣ, анҷом додани тадқиқоти илмӣ дар соҳаи ҳуқуқ ва нашри мақолаҳои илмиро дар бар мегирад.Дар асоси Созишномаи ҳамкории ба тасвиб расида, ҷонибҳо ҳангоми таҳия ва татбиқи лоиҳаҳо, барномаҳои мақсаднок дар соҳаи иттилоотонӣ, фаъолияти тадқиқотӣ, ворид сохтани технологияҳои комуникатсионӣ ва иттилоотӣ дар соҳаи ҳуқуқ, ҳамзамон гузаронидани конфронсҳои илмию амалӣ, семинарҳо ва дигар чорабиниҳоро амалӣ мегардонанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!