Русский  >>  فارسی  >>  Якшанбе 11 декабр 2016, 03:21

Қарзи аҳолӣ дар Кӯлоб сол аз сол рӯ ба афзоиш дорад

6 январ 2012, 07:09

Истеъмолкунандагони газ ва обу барқ дар шаҳру ноҳияи Кӯлоб дар соли 2011-ум ҳам дар пардохти ҳаққи истифодаи он коҳилӣ кардаанд.


Бино ба иттилои ҳукумати шаҳр, дар соли сипаришуда муштариён ба миқдори 11 миллиону 600 ҳазор сомонӣ аз газ, 20 миллиону 888 ҳазор сомонӣ аз барқ ва 3 миллиону 644 ҳазор сомонӣ аз оби истеъмолкарда қарздор мондаанд: «Агарчӣ аҳолӣ дар мавриди пардохти маблағ нисбат ба солҳои пештар фаъолтар гашта бошад ҳам, аммо ҳамоно қарзҳои зиёд бар дӯшашон боқӣ мемонад.Танҳо аз барқ аҳолӣ ба миқдори беш аз 16 миллион сомонӣ қарздор аст.
Дар ҳамин ҳол, идораи шабакаҳои барқӣ мегӯяд, қарзи имсолаи аҳолӣ аз барқ ҳамагӣ каме бештар аз 3 миллион сомонӣ будааст. Қисмати зиёди қарзи аҳолӣ аз солҳои пеш ҷамъ шудааст.  
Зимни сӯҳбат бо хабарнигори маҳаллии «Озодагон» бархе аз сокинони шаҳри Кӯлоб иброз доштанд, ки ҳаққи истифодаи обу барқро метавонанд, сари вақт пардохт намоянд, агар онро масъулин мутобиқ ба талабот таъмин намоянд.
Абдуҳалим Маҳмадалиев, райиси маҳаллаи Корвонгузар мегӯяд:« Дар маҳаллаи мо солҳои зиёд хати оби нӯшокӣ набуд. Тирамоҳи имсол бо маблағгузорӣ аз ҷониби кадом ташкилоти хориҷие бароямон об кашиданд. Дар як ҳафта, баъзан аз он ҳам зиёдтар, ҳамагӣ 2 соат об медиҳанд, вале охири моҳ омада, талаби ҳаққи ҳамарӯза, дар 1 моҳ 2,5 сомонӣ барои як нафар мекунанд. Вале мардум чун бо оби ҳамешагӣ таъмин нестанд, аз ин розӣ намешаванд. Вақте ба намояндаи корхонаи обтаъминкунии шаҳр инро фаҳмонданӣ шудем, муддати зиёд дигар обамон надоданд».  
Ташкилоту корхонаҳо низ қарзи газу обу барқро ба миқдори маблағи истифодашуда ва сари вақт пардохт наменамоянд. Дар маҷмӯъ ин ташкилотҳо беш аз 5 миллион сомонӣ аз барқ, 6 миллион сомонӣ аз газ ва беш аз 2 миллион сомонӣ аз об қарздор мондаанд. Дар ин маврид корхонаҳои давлатӣ, ки аз ҳисоби буҷа маблағгузорӣ мегарданд, истисно нестанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!