Русский  >>  فارسی  >>  Якшанбе 11 декабр 2016, 03:14

Кӯлоб: Эътирози тоҷирони бозор ва посухи ҳукумати шаҳр

27 феврал 2012, 09:27

Якшанбеи 26-уми феврал як гурӯҳи бузурги тоҷирони кӯлобӣ бо нишони эътироз аз роҳбарияти бозори фурӯши таҷҳизоту қисмҳои эҳтиётии нақлиёт,  даст ба корпартоӣ заданд.


Эътирози тоҷирони кӯлобӣ дар заминаи баланд бардоштани қиммати иҷораи нуқтаҳои савдо аз ҷониби маъмурияти бозор ба шумор меравад. Ба гуфтаи тоҷирон, хариду фурӯш дар бозор дар сатҳи хеле поин қарор дошта, онҳо қудрати пардохти ҳаққи пешниҳодшударо надоранд.

Гуфта мешавад, ба назди эътирозгарон, ки тақрибан ҳамаи тоҷирони ин бозоранд, муовини раиси шаҳр Рустам Неъматов омада, аз вазъи рухдода шинос гардид. Зимнан, Неъматов ба хабаргузории «Озодагон» гуфт: «Ҳамдигарнофаҳмӣ миёни савдогарон ва раиси бозор ба амал омада буд. Раиси бозори фурӯши таҷҳизоту қисмҳои эҳтиётӣ Нуралӣ Ҳасанов аз тоҷирон талаби боз 70 дирами дигар барои нуқтаҳои савдо кардааст, ки савдогарон ба ин дархост розӣ нашудаанд. Мо аз ҷамъомадагон дархост намудем, то бо маъмурияти бозор дар ҳамдигарфаҳмӣ омада, байни ҳам шартнома ба имзо расонанд».

Ҳамзамон, ҷаноби Ҳасанов гуфтааст, ки баланд бардоштани қиммати ҷой ба боло рафтани ҳаққи андоз барои бозор мебошад: «Тоҷирон инро мехоҳанд ё не, вале мо имконияти паст намудани нархро надорем». Ин ҳам дар ҳолест, ки барои ҳар нуқтаи савдо аз тоҷирон ба маблағи 50 сомонӣ дар як моҳ муқаррар гашта буд. Аз ин ба баъд, қиммати ҳар ҷойи савдо 70 сомониро ташкил хоҳад дод.

Рустам Неъматов мегӯяд, ин бозор хусусӣ мебошад ва ҳукумат ба фаъолият ва ҳуҷҷатгузориву нархгузории он дахолат карда  наметавонад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!