Меъёри фоизи захираҳои ҳатмиро коҳиш доданд

Раёсати Бонки миллии Тоҷикистон бо як қарори худ меъёри фоизи захираҳои ҳатмиро барои пасандозҳо бо пули миллӣ ду банди фоизӣ ва бо асъори хориҷӣ як банди фоизӣ паст карда, мутаносибан дар сатҳи 5,0 ва 8,0 фоизи солона муқаррар намудааст.

Тавре  ба хабаргузории Озодагон  Абдуғаффор Қурбонов, масъули маркази матбуотии Бонки Миллӣ иттилоъ дод, санади номбурда бо мақсади таъмини пардохтпазирӣ дар низоми бонкӣ ва мӯътадил нигоҳ доштани ҳаҷми пул дар муомилот қабул шудааст.

Бино ба иттилои манбаъ, вобаста ба ин, тамоми ҳисобкуниҳои марбут ба захираҳои ҳатмӣ ба санаи  1-уми апрели соли равон тибқи қарори мазкур амалӣ мешаванд.

Ёдовар мешавем, ки дар ҷамбасти солона Малоҳат Холиқзода, намояндаи БМТ қайд карда буд, ки меъёри захираҳои ҳатмӣ барои пасандозҳо бо пули миллӣ ва асъори хориҷӣ мувофиқан дар сатҳи 7,0 ва 9,0 фоиз бетағйир мондаанд. Ҳаҷми пулҳои захиравӣ ҳамчун нишондиҳандаи барномавӣ ба санаи 31 декабри соли ҳисоботӣ 3,8 миллард сомониро ташкил дода, нисбат ба ҳамин рӯзи соли қаблӣ 28,0 фоиз афзуд.

Мӯҳр