Русский  >>  فارسی  >>  Якшанбе 11 декабр 2016, 13:00

Эмомалӣ Раҳмон ва Виктор Янукович ҳамдигарро табрик карданд. Бо 20 солагии муносибатҳои дипломатӣ

24 апрел 2012, 05:39

Эмомалӣ Раҳмон, райисҷумҳури Тоҷикистон унвони ҳамтои укроинии худ Виктор Янукович барқияи шодбошӣ ирсол намуд.

Дар ин мактуб, ки ба хотири бистумин солгарди барқароршавии муносибатҳои дипломатии миёни Тоҷикистон ва Украина фиристода шудааст, аз ҷумла гуфта мешавад, ки: «Кишварҳои мо тайи бист соли гузашта майлу маромашонро дар амри байни худ роҳандозӣ ва дастгирӣ намудани муносибатҳои дӯстии самимона ва ҳамкории мутақобилан муфид амалан тасдиқ намуданд. Хурсандибахш аст, ки имрӯз муносибатҳои байни Тоҷикистону Украина бо ҳамаҷонибагии худ фарқ намуда ва бисёр соҳаҳои ҳамкориро фаро мегиранд, ки дар онҳо манфиатҳояшон мушобеҳи якдигаранд. Ин муносибатҳо, ки таҳкими минбаъдаи робитаҳои зичи сиёсӣ, иқтисодӣ, фарҳангӣ ва робитаҳои дигари байнидавлатиро дар назар доранд, ба воқеияти замон мувофиқ буда, ҷавобгӯи саъю кӯшишҳои мо дар амри таъмини рушди бемайлони некӯаҳволии халқҳоямон ва ояндаи шоистаи онҳо мебошанд».

 

Зимнан, аз номи президенти Украина ҳам унвонии Эмомалӣ Раҳмон чунин як барқияи табрикотӣ расидааст. Тибқи иттилои хадамоти матбуотии райисҷумҳури Тоҷикистон дар нома аз ҷумла омадааст: «Давлатҳои мо дар давраи гузашта барои рушду густариши ҳамаҷонибаи ҳамкории мутақобилан муфиди дуҷониба кори зиёдеро ба ҷо оварда, ба сатҳи баланди ҳамкорӣ дар доираи созмонҳои байналмилалӣ баромаданд.
Аҳду паймоне, ки мо дар ҷараёни ташрифи расмии Шумо ба Украина карда будем, бешубҳа, саҳми бузурге ба рушди пайгиронаи робитаҳои дӯстонаи анъанавии байни мамлакатҳоямон гардид. Аминам, ки татбиқи лоиҳаҳои муштарак дар бахшҳои ҷавобгӯи манфиати якдигар ба рушди минбаъдаи иқтисодиёти миллӣ ба нафъи халқҳои Украинаю Тоҷикистон ва таҳкими мавқеъҳои давлатҳоямон дар арсаи ҷаҳон мусоидат мекунад».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!