Русский  >>  فارسی  >>  Панҷшанбе 8 декабр 2016, 14:48

Ҷаласаи сарварони зидди мухаддаротӣ: Афғонистон, Қирғизистон ва Тоҷикистон

30 май 2012, 13:04

Қарор аст субҳи рӯзи 31 май дар Агентии назорати маводи нашъаовари назди Президенти Ҷумҳурии Тоҷикистон ҷаласаи сарварони ниҳодҳои зиддимухаддиротии се кишвари ҳамсоя: Афғонистон, Қирғизистон ва Тоҷикистон бо ширкати ноиби Дабири кулли СММ, Директори Иҷроияи Раёсати СММ оид ба маводи мухаддир ва ҷинояткорӣ Юрий Федотов оғоз ба кор кунад.

Тавре ба Озодагон, сухангӯи агентии мубориза бо маводи мухаддир Бобоҷони Шафеъ хабар дод, иштирокдорони ҷаласа масъалаҳои вобаста ба тақвияти ҳамкориҳо миёни хадамоти махсуси кишварҳо дар мубориза ба муқобили муомилоти ғайриқонунии маводи мухаддирро мавриди баррасӣ қарор медиҳанд. Стратегияи ягона ва муштараки ин мубориза низ таҳия хоҳад шуд.
Дар ин ҷаласа аз Афғонистон вазири мубориза бо маводи мухаддир Зарор Аҳмад Муқбил, ноиби вазири умури дохилии ин кишвар Бозмуҳаммад Аҳмадӣ, аз Қирғизистон ҷонишини раиси Хадамоти давлатии назорати маводи мухаддир Дониёр Оторбоев, ҷонишини директори Департаменти созмонҳои байналмилалии Вазорати корҳои хориҷӣ Нуран Ниёзалиев, директори Маркази иттилоотӣ-ҳамоҳангсозии минтақавии Осиёи Марказӣ Бексултон Саркесов ширкат хоҳанд кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!