Русский  >>  فارسی  >>  Сешанбе 6 декабр 2016, 17:12

Гул Шералӣ ва Маҷиди Номҷӯ ҳамкориҳои Тоҷикистону Эронро баррасӣ карданд

1 июн 2012, 10:33

Дар шаҳри Теҳрони ҷаласаи нӯҳуми Комиссияи муштараки байниҳукуматии Тоҷикистону Эрон оид ба ҳамкориҳои тиҷоратӣ, иқтисодӣ, техникӣ ва фарҳангӣ баргузор шуд.

Тавре аз Вазорати энергетика ва саноат ба хабаргузории Озодагон иттилоъ доданд, дар ин ҳамоиш масъалаҳои ҳамкориҳои дуҷониба, вазъи кунунии рушди муносибатҳои ду кишвари ба ҳам дӯсту бародар дар соҳаҳои гуногун, мунтазам густариш ёфтани муносибатҳои иқтисодӣ, ба роҳ мондани самтҳои афзалиятноки ҳамкориҳо миёни Теҳрону Душанбе дар бахшҳои гуногун матраҳ гардид. «Дар ҷаласаи нӯҳуми Комиссия самтҳои гуногуни ҳамкорӣ, аз ҷумла тиҷоратию иқтисодӣ, энергетика ва саноат, ҳамлу нақл, тандурустӣ, молия, маориф, фарҳанг, илм, таҳқиқот ва технология мавриди баррасии ҷонибҳо қарор гирифт»,-афзуд манбаъ.

Сарчашмаи хабар мегӯяд, дар ин нишаст Тоҷикистонро Гул Шералӣ, вазири энергетика ва саноат ва ҳайати Эронро Маҷиди Номҷӯ, вазири нерӯи Ҷумҳурии Исломии Эрон роҳбарӣ карданд. Пас аз натиҷагирӣ аз кори гӯруҳҳои корӣ, Протоколи ҷаласаи нӯҳуми Комиссияи муштараки байниҳукуматии Тоҷикистону Эрон оид ба ҳамкориҳои тиҷоратӣ, иқтисодӣ, техникӣ ва фарҳангӣ дар ҳузури намояндагони ҳар ду ҷониб ба имзо расид.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!