Русский  >>  فارسی  >>  Душанбе 5 декабр 2016, 13:32

Дар шимоли мамлакат барои истироҳати хонандаҳо 286 580 сомонӣ ҷудо мешавад

7 июн 2012, 09:12

Мавсими истироҳати тобистона дар 19 лагери беруназшаҳрӣ шурӯъ гардид.

Оид ба ташкили истироҳати тобистонаи кӯдакон ва наврасон дар соли 2012 дар вилояти Суғд ситоди вилоятӣ таъсис дода шудааст, ки тибқи он нақшаи чорабиниҳои муштараки раёсати маорифи вилоят, Федератсияи иттифоқҳои касабаи вилоят, маркази давлатии назорати санитарӣ-эпидемиологии вилоят тартиб дода, барои иҷроиш ба мақомоти иҷроияи ҳокимияти давлатии шаҳру ноҳияҳои вилоят ва сохторҳои дахлдори он дастрас шудааст. Дар ин бора ба хабарнигори маҳаллии Озодагон аз хадамоти матбуотии раиси вилояти Суғд иттилоъ доданд.
Бино ба гуфтаи манбаъ ситоди вилоятӣ оид ба таъмиру омода намудани лагерҳо, гулзору кабудизоркунии онҳо, барои хубтар ташкил намудани истироҳати кӯдакону наврасон дар мавсими соли ҷорӣ ва бештар ҷалб намудани хонандагон ба чорабиниҳои истироҳатӣ тадбирҳои заруриро андешида истодааст.
«Бо мақсади дар сатҳи зарурӣ ташкил намудани истироҳати кӯдакон ҷудо шудани 286 580 сомонӣ аз ҳисоби буҷаи маҳаллии шаҳру ноҳияҳо ба нақша гирифта шудааст.
Дар давраи тобистони соли 2012 мувофиқи маълумотҳои пешакӣ ташкили 19 лагери беруназшаҳрӣ, 609 лагери наздимактабӣ, 20 лагери истироҳатӣ-меҳнатӣ, 372 лагерҳои солимгардонӣ барои хонандагони синфҳои болоӣ 9-10 ва 64 лагерҳои варзишӣ-беҳдоштӣ, варзишӣ-мудофиавӣ ба нақша гирифта шуда, дар онҳо 106939 нафар хонада фаро гирифта мешаванд»,-афзуд сарчашмаи хабар.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!