Русский  >>  فارسی  >>  Чоршанбе 7 декабр 2016, 21:18

Вазъ дар ҷануби Қирғизистон ноором аст

9 июн 2011, 11:51

Мақомоти  амниятии Қирғизистон вазъро дар  ҷануби кишвар ташвишовар хонда, нерӯҳои иловагиро ба ин минтақа интиқол додаанд.

Дар ин бора муовини вазири умури дохилаи ин кишвар Бакит Алимбеков  хабар додааст. Ӯ гуфтааст, як ситоди муштараки нерӯҳои интизомиву ҳарбӣ таъсис шудааст. Феълан вазъ дар ин минтақа ором аст ва аммо ташвишҳои мардуми маҳаллӣ бараъло мушоҳида мешавад, зеро аз сӯи қувваҳои алоҳида кӯшишҳои ноором кардани вазъ ба назар мерасанд.

Бино ба гуфтаи ин манбаъ дар як қатор навоҳии вилоёти узбакнишини Ӯш ва Ҷалолобод варақаҳои тарғиботӣ ва навиштаҷоти иғвобарангез ошкор шудаанд. Аммо Алимбеков нагуфтааст, ки мӯҳтавои ин варақаву навиштаҳо ба кадом гурӯҳҳои миллӣ равона шудаанд.

Ёдовар мешавем, маҳз як сол пеш дар моҳи июни соли 2010 дар вилоёти Ӯш ва Ҷалолободи Қирғизистон бархӯрд миёни намояндагони миллати узбак ва қирғиз сурат гирифта, беш аз 400 нафарро кушта ва беш аз ҳазор нафарро бо ҷароҳатҳо ба ҷой гузошта буд. Ҳамчунин, беш аз ним миллион узбакҳои ин минтақа аз маҳалли зисти худ иҷборан фирор карда буданд.

Коршиносон ҳадс мезананд, ки ташаннуҷи авзоъ аз камфаъолиятии ҳукумати Қирғизистон дар  ҳалли масоили иҷтимоӣ ва бар асари мавҷуд будани миқдори зиёди силоҳ дар дасти мардум мебошад, ки дар замони ин бархӯрд тақсим гардида буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!