Русский  >>  فارسی  >>  Шанбе 10 декабр 2016, 09:55

«Хабари Турк»: 40 низомии Туркия дар марзи Сурия боздошт шуд

13 август 2012, 09:59

Аъзои созмонҳои мардуми вобаста ба кумитаҳои халқи Курди Сурия 40 низомии Туркияро, ки аз марз вориди хоки он кишвар шуданд, боздошт карданд,-иттилоъ медиҳад хабаргузории «Хабари Турк».

Манбаъ менависад, гурӯҳҳои ҳифозати мардумӣ, ки яке аз кумитаҳои мардумист ва тақрибан як сол қабл барои ҳимоят аз сокинони курди Сурия дар муқобили террористҳо ташкил шудааст, эълом карда, ки ин афрод талош мекарданд барои мухолифони Сурия аслиҳа қочоқ кунанд. Пойгоҳи иттилоотии «Xабар Пресс»-и Лубнон низ эълом кард, ки афроди вобаста ба курдҳо дар Сурия 40 низомии Туркияро дастгир кардаанд, вале ба навиштаи рӯзномаи «Милият»-и Туркия, Вазорати хориҷаи Туркия хабари боздошти низомиёнаш дар хоки Сурияро рад кардааст.
Аз ин қабл шабакаи хабарии «Ал-Маёдин» ва бархе аз манобеи сурӣ ба нақл аз мақомоти амниятӣ дар Ҳалаби Сурия эълом карданд, ки артиши Сурия дар даргириҳои рӯзи гузашта 8 хориҷиро боздошт карда аст, ки яке аз онҳо генерали Туркия аст.
Соли гузашта низ манобeи Туркия, аз ҷумла нашрияи «Иденли»-и ин кишвар навишта буд, ки 40 афсари Туркия дар чандин навбат дар Сурия боздошт шуда ва то кунун талошҳои Aнқaрa барои озод кардани онҳо ноком монда аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!