Русский  >>  فارسی  >>  Сешанбе 25 июл 2017, 03:42

Сафири Арабистони Саудӣ дар ҳузури Маҳмадсаид Убайдуллоев

10 июн 2011, 11:08

Рӯзҳои наздик ба Тоҷикистон масъулини оҷонсиҳои сайёҳии Арабистони Саудӣ ташриф меоранд.Дар ин бора сафири ин кишвар дар Душанбе Бандар Муҳаммад Ҷамил Маҳмуд зимни як мулоқоташ имрӯз бо райиси Маҷлиси Миллӣ Маҳмадсаид Убайдуллоев иброз дошт.

Тавре ба «Озодагон»,Шафкат Саидов, ёвари райиси Маҷлиси Миллӣ оид ба робита бо воситаҳои ахбори омма ва созмонҳои ғайридавлатӣ иттилоъ дод, 10-уми июн Маҳмадсаид Убайдуллоев сафири фавқулодда ва мухтори шоҳигарии Арабистони Саудӣ дар ҷумҳурии Тоҷикистон ҷаноби  Бандар Муҳаммад Ҷамил Маҳмудро бо хохиши ӯ ба ҳузур пазируфт.Зимни мулоқот Маҳмадсаид Убайдуллоев дипломати арабро бобати таъин шуданаш ба ҳайси нахустин сафир дар Тоҷикистон шодбош гуфта, таъкид ва изҳори боварӣ намуд, ки бо фаъолияти ӯ дар ин вазифаи олӣ, ки дар кишвари мо шурӯъ кардааст, сатҳи ҳамкориҳои гуногунҷабҳа, пеш аз ҳама дар самти иқтисодӣ тақвияти тоза касб хоҳанд кард.

Сарчашмаи хабар афзуд, ҷаноби  Бандар Муҳаммад Ҷамил Маҳмуд бо сипосмандӣ аз қабул, мӯҳтавои сӯҳбат ва пазироӣ аз пешниҳодоти райиси Маҷлиси миллӣ иброз дошт, ки бобати расидан ба ҳадафҳои созанда, ки баҳри рушди муносибатҳои мутақобилан судманди кишварҳо нигаронида шудаанд, тадбирҳои судмандро амалӣ месозад.Аз ҷумла, изҳор дошт, ки ҳамчун қадами нахустин ҷониби сафорат тасмим гирифтааст, ки рӯзҳои наздик баҳри тақвияти ҳамкориҳо оид ба муаррифии Тоҷикистон ва ҷалби сайёҳони Арабистони Саудӣ ба кишвари афсонавии Тоҷикистон сафари ҳайати бонуфзи роҳбарони Агентиҳои сайёҳии Арабистони Саудиро ташкил намояд, ки бо итминон он метавонад дар пешбурди ҳамкориҳои иқтисодӣ нақши муассир гузорад.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!