Русский  >>  فارسی  >>  Чоршанбе 7 декабр 2016, 17:32

Ба ёди Тоҷикистон

14 сентябр 2012, 06:14

Дар Самарқанду ба ёди Тоҷикистонам ҳаме, Меҳри ҳар ду чун самар, чун қанд дар ҷонам ҳаме.

Ҳамчу ман ин ҳар ду кӯчак, аммо ҳар се дил бузург,
Ҳамчу бар ман бар ду бошад меҳри яздонам ҳаме.

Хоҳам андар Тоҷикистонам ҳамемонам ба ҷон,
Аз Самарқандам дилам кандан наметонам ҳаме.

Чашми ҳосид ҳарчи хоҳад чашми бад бар вай занад,
Кӯр созад чашми ӯро тири мижгонам ҳаме.

Нохалаф арчи бибандад ҳар роҳе-к сӯи ӯ бурд,
Сӯяш аз сӯи само ҷисмам бипарронам ҳаме.

Хуб медонам, ки торих як ба як монад ба ҷо,
Ончиро, ки кард қисмат душмани хонам ҳаме.

Меҳмони Тоҷикистон арчи хондандӣ маро,
Меҳмон не, мезбони ӯ ҳамедонам ҳаме.

Тифли ҳар ду то абад монад ба ҷону дил Ҳаёт,
Баҳри ҳарду то қиёмат ман санохонам ҳаме.

Ҳаёт Неъмати САМАРҚАНДӣ


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!