Русский  >>  فارسی  >>  Якшанбе 4 декабр 2016, 00:45

Додситонӣ: «Корвон»-ро қасдан сӯзонидааанд

11 октябр 2012, 04:56

Бино ба қавли мутахассисон, бозори «Корвон» қасдан оташ зада шудааст.

Дар ин бора дар Оҷонсии Ховар, дар такя бо иттилои додситонии кулли кишвар матлаб ба нашр расидааст. Гуфта мешавад, мутахассисон муайян кардаанд, ки бозори “Корвон”, калонтарин бозори шаҳри Душанберо афроди номаълум қасдан оташ задаанд: «Бозорро  фарди номаълум бо истифода аз солярка  оташ задааст»

Зимнан, прокуратураи генералӣ дар робита ба ин ҳодиса, бо се банди Кодекси Ҷиноӣ, яъне вайрон кардани қоидаҳои зидди сӯхтор, хунукназарӣ ва тахрибкорӣ парвандаи ҷиноятӣ боз кардааст. Муфаттишони додситонӣ фарзияҳои оташсӯзӣ бар асари расиши ноқилҳои барқӣ, истифодаи таҷҳизоти барқӣ ва газиро истисно кардаанд.

Маврид ба ёдоварист, рӯзи 5-уми сентябри соли равон, бар асари оташсӯзӣ дар қисмати яклухтфурушии бозори “Корвон”, ҳудуди 8 ҳазор метри мураббаъи бозор ва 2250 дӯкону нуқтаи савдо нобуд шуд. Дар ин ҳодиса як нафар ҳалок ва чор каси дигар захмӣ шуданд. Додситонии кулли Тоҷикистон мегуяд, ки Бонки Миллӣ ва ташкилотҳои қарзӣ мӯҳлати бозпасгардонии маблағҳои қарзии 700 нафар соҳибкорро тамдид кардаанд. Инчунин маъмурияти бозори “Корвон” 2550 адад нуқтаи савдоро барқарор карда ва ба соҳибкорон супурдааст.

Дар ҳамин ҳол, додситонӣ иттилоъ додааст, ки тафтиши қазияи сӯхтори бозори «Корвон» то ҳанӯз анҷом наёфтааст ва он чанд рӯзи дигар идома хоҳад кард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!