Русский  >>  فارسی  >>  Панҷшанбе 8 декабр 2016, 14:51

То ифтитоҳи нақби «Шаҳристон» 11 рӯз монд

16 октябр 2012, 05:39

Рӯзҳои наздик нақби «Шаҳримстон», ки шимоли Тоҷикистонро ба пойтахт мепайвандад кушода мешавад. Дар ин бора аз Вазорати нақлиёти Тоҷикистон ба хабаргузории Озодагон иттилоъ доданд.

Ба қавли манбаъ, ифтитоҳи нақби мазкур ба 27-уми октябри ҳамин сол рост меояд. Яъне, баъди 11 рӯз рафту омад тавассути ин роҳ сурат хоҳад гирифт. Чанд тан аз ронандаҳо, ки ба мусофиркашонӣ миёни Душанбе ва минтақаи Суғд машғуланд, дар сӯҳбат ба мо иброз доштанд, ки зиёд мунтазири кушодашавии ин роҳ ҳастанд, зеро бо ба истифода додани он мушкили мусофирон ва ронандаҳо осон мешавад.

Рустам Раҳматов, раиси ноҳияи Айнӣ дар сӯҳбат ба Озодагон гуфт, ки интизор меравад, ояндаи наздик Эмомалӣ Раҳмон, президент кишвар аз вилояти Суғд дидан намояд. Зимни ин сафар масъалаи роҳҳо низ баҳс хоҳад шуд. Бо таваҷҷӯҳ ба ин гуфта мешавад шояд ифтитоҳи нақби «Шаҳристон» дар ҷараёни сафари райисҷумҳур сурат бигирад.

Гуфтанист, нақби «Шаҳристон» дар километри 180-уми роҳи мошингарди Душанбе-Хуҷанд, миёни ноҳияҳои Айниву Шаҳристон воқеъ буда, 5 ҳазору 253 метр дарозӣ дорад. Сохтмони ин нақб расман дар санаи 2-юми августи соли 2006 оғоз гардид. Арзиши умумии тарҳи сохтмони нақби «Шаҳристон», ки ширкатҳои чинӣ бунёд мекунанд, ҳудуди  51 миллион долларро ташкил медиҳад. Аз ин пеш ҳам санаи ифтитоҳи нақбро эълон дошта буданд, вале  бо сабаби пеш омадани мушкил дар кори нақбканон ба истифода додани он ба таъхир гузошта шуд. Ин навбат масъулини Вазорати нақлиёт боварӣ доранд, ки дар санаи муайяншуда нақби «Шаҳристон» мавриди истифода қарор дода мешавад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!