Русский  >>  فارسی  >>  Шанбе 3 декабр 2016, 18:35

Фурудгоҳи байналмилалии Душанбе дар феҳристи пок қарор гирифт

25 октябр 2012, 06:00

Алишер Носиров сарнозири раёсати пешгирии ҳолатҳои коррупсионии Агентии назорати молиявӣ ва мубориза бо коррупсияи Тоҷикистон мегӯяд, то имрӯз ҶСК «Фурудгоҳи байналмилалии Душанбе» дар феҳристи пок қарор дорад ва аз ҷониби ин агентӣ дар фурудгоҳи Душанбе ягон ҳодисаи характери коррупсионӣ дошта ба қайд гирифта нашудааст.

Номбурда ин нуктаро зимни вохӯрии кормандон ин фурудгоҳ бо намояндагони Агентии назорати молиявӣ ва мубориза бо коррупсияи Тоҷикистон иброз доштааст.

Аз маркази матбуотии фурудгоҳи мазкур ба Озодагон иттилоъ доданд, ки ҳамчунин дар ин мулоқот Шодком Турсунов, сарнозири раёсати пешгирии коррупсияи агентии мазкур иброз доштааст, ки имрӯз коррупсия ба хатари умумиҷаҳонӣ мубаддал гардидааст. Номбурда оид ба мафҳуми коррупсия, сабаб ва ҳолатҳои пайдоиш ва инкишофи он маълумот дода иброз дошт, ки дар сурати пешгирӣ накардани ҳолатҳои коррупсионӣ ҷомеа ба мушкилоти зиёд гирифтор мешавад.

Манбаъ мегӯяд, Алишер Носиров, сарнозири раёсати пешгирии ҳолатҳои коррупсионии агентӣ вобаста ба чорабиниҳои гузарондашуда бобати пешгирии ҳолатҳои коррупсионӣ ибрози ақида намуда, таъкид кардааст, ки ҳар як корманд дар ҷойи кор вазифадор аст бо дасту дили пок меҳнат намояд.

Мавсуф оид ба ҳолатҳои мавҷудаи коррупсионӣ дар ҷомеаи шаҳрвандӣ маълумот дода, аз ҳозирин хоҳиш намуд, ки дар муносибат ва муошират бо мусофирон, хусусан бо меҳмонони ба Тоҷикистон меомада боэҳтиром бошанд: «Кормандони агентӣ маводи танқидии ВАО-ро мутолиа намуда, пайваста меомӯзанд ва дар аксари маврид аз мақолаҳое, ки дар онҳо ҳолатҳои коррупсионӣ ошкор мегарданд мавриди санҷиш қарор медиҳанд».


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!