Дар ин нишаст масоили марбут ба хоҷагидории шаҳр, қабл аз ҳама ҳолати истифодаи замин, вазъи зиддисӯхтории бинову иншоот ва ҷараёни ҳамкориву фароҳам овардани шароитҳо ба ҷалби потенсиали муҳоҷирони меҳнатӣ ба рушди шаҳр мавриди баррасӣ қарор гирифт.
Тавре Шафқат Саидов, котиби матбуотии раиси шаҳр ба Озодагон хабар дод, вобаста ба масъалаи ҳолати заминистифодабарӣ дар шаҳр ва риояи талаботи қонунгузорӣ дар ин самт аз ҷониби шаҳрвандон, пеш аз ҳама дар азхудкунии минтақаи маскунии маҳаллаи Ховарон гузориши прокурори шаҳр С.Қодиров шунида шуд. Қайд гардид, ки ҳолати ғасби худсаронаи замин ва эъмори сохтмонҳои ғайриқонунӣ дар минтақаи мазкур аз ҷониби прокуратура дар асоси санҷишҳои бо дархости шаҳрдорӣ анҷомдода, муайян карда шуда, барои рафъи онҳо дар ҳамкорӣ бо сохторҳои ноҳиявӣ чораҳои пешбининамудаи қонунгузорӣ андешидашуда бошанд ҳам, то ҳол вазъи мавҷуда нигаронкунанда ва боиси роҳандозии чораҳои муассиртару дастаҷамъонаи сохторҳои зидахл мебошад.
Ҳамзамон, Маҳмадсаид Убайдуллоев аз прокурори шаҳр даъват ба миён овард, ки дар доираи салоҳияти худ барои таъмини назорати иҷрои якхелаи санадҳои меъёрии ҳуқуқӣ дар бахши сохтмон ва заминистифодабарӣ тадбирҳои таъхирнопазир андешида, нисбати шаҳрвандони ба қонуншиканӣ роҳдода ва масъулини сохторҳои назорати давлатӣ, ки дар иҷрои вазифаҳои таъинотиашон саҳлангорӣ намудаанд чораҳои пешбининамудаи қонунгузориро татбиқ намояд.
Барои пешгирӣ аз идомаи сохтмонҳои ғайриқонунӣ дар минтақаи мазкур аз ҳисоби кормандони прокуратураи шаҳр ва ноҳияи Шоҳмансур бо ҷалби мутахассисони Кумитаи заминсозӣ ва Сарраёсати меъморӣ ва шаҳрсозии шаҳри Душанбе гурӯҳи доимоамалкунандаи назоратиро фаъол намуда, фаъолияти он ҳар ҳафта дар сатҳи прокурори ноҳия ва дар ду ҳафта як маротиба дар сатҳи прокурори шаҳр баррасӣ карда шавад.
Мӯҳр« Апрел 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |