Русский  >>  فارسی  >>  Ҷумъа 9 декабр 2016, 08:47

«Посбонии хотира» бахшида ба рӯҳи 25 миллион ҳалокшудагони ҷанг

18 июн 2011, 08:26

Маҳмадсайид Убайдуллоев, райиси шаҳри Душанбе барои баргузории чорабинии «Посбонии хотира» иҷоза дод.

Зимнан, дар робита ба ин қарори ҳукумати пойтахт ба тасвиб расида, унвонии намояндагии ширкати телевизионии «Мир» ироа гардидааст. Шафкат Сайидов, сухангӯи шаҳр мегӯяд, чанде қабл ширкати байниминтақавии радио ва телевизиони «Мир» ба ҳукумати пойтахт бо номаи расмӣ муроҷиат карда, хостори иҷозаи мақомот барои сабти наворҳои вижа ба муносибати 70-солагии оғози ҶБВ дар боғи Ғалаба гардида буд. Феълан, дархости «Мир» баррасӣ гардида, талаби онҳо қонеъ гардонида шуд. Номбурда афзуд, барои дар сатҳи олӣ гузаронидани ин чорабинӣ, ки аз соати 1-и шаб то соати 7-и субҳи рӯзи 22-юми июн идома мекунад, мақомоти зирабт муваззаф шудаанд ва интизому амниятро таъмин хоҳанд кард.

 

Ёдрас менамоем, Ҷанги Бузурги Ватанӣ 22-юми июни соли 1941 пас аз ҳуҷуми аҳдшиканонаи Олмони фашистӣ ба хоки Иттиҳоди Шӯравии собиқ (СССР) шурӯъ гардида 1418 шабонарӯз идома кард ва 9-уми майи соли 1945 бо ғалабаи СССР анҷом ёфт. Артиши шӯравӣ дар ин рӯз байрақи Зафарро дар Рейхстаги Берлин насб намуд. Тайи набардҳои хунин беш аз 25-миллион нафар шаҳрвандони советӣ қурбон гардиданд, ки миёни онҳо беш аз 200 ҳазор нафарро фиристодагони Тоҷикистон ташкил медоданд. 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!