“Ман нисбат ба санъати рэп назари мусбат дорам, рэпсароёни тоҷикро дар бисёр мавридҳо дастгирӣ кардам, ҳатто дар барномаҳои фарҳангии давлатӣ баромади онҳоро ҷой кардем”.
Ин нуктаро Мирзошорух Асрорӣ, вазири фарҳанги Тоҷикистон имрӯз, 21-уми январ зимни нишасти матбуотӣ дар ҳузури хабарнигорон иброз дошт. Номбурда афзуд, аслан мутахассисони соҳаи санъат ва ҳунари мо дар он ақида мебошад, ки санъати рэп аз қадим дар ҳаёти фарҳангии мамлакати мо, яъне халқи тоҷик ҷой дошта ва истифода мешуд, аз ин хотир имрӯз ҳам бигзор ин намуди санъат бошад ва сатҳи иҷрои он дар сатҳи касбӣ бошад.
Маврид ба ёдоварист, рэп дар байни ҷавонон, алалхусус ҷавонони шаҳрнишин беш аз пеш густариш ёфтааст. Рэпсароёни тоҷик дар бисёр маврид аз сарнавишти мардум мазмун бардошта, мӯҳтавои ин сурудаҳо низ аз ҳаёти маъмулии халқ гирифта шудааст. Муҳоҷират, мушкилоти рӯзгор, ишқу ошиқӣ, оворагӣ ва монанди ин аз масоили аслии репи муосири тоҷикӣ аст.
Мӯҳр