Русский  >>  فارسی  >>  Ҷумъа 9 декабр 2016, 01:01

Фосс бо Сатторов вазъи табъу нашри китобҳоро баррасӣ намуданд

5 феврал 2013, 15:35

Имомудин Сатторов, сафири Тоҷикистон дар Олмон бо муовини президенти Намоишгоҳи байналмилалии китоби Франкфурт Тобиас Фосс ва Роҳбари бахши ташкилии ин идора хонум Купска мулоқот кард.

Тавре ба хабаргузории Озодагон аз департаменти иттилоотии ВКХ иттилоъ доданд, дар нишаст масоили марбут ба вазъи табъу нашри китобҳо, дастовардҳои илмиву фарҳангӣ баъд аз соҳибистиқлол гардидани Тоҷикистон ва ҳамкориҳои фарҳангии Тоҷикистону Олмон баррасӣ гардид.

Ҳамзамон, ҷаноби Фосс қайд кард, ки Намоишгоҳи китоби Франкфурт (Frankfurter Buchmesse) яке аз бузургтарин намоишгоҳҳои китоби байналмилалӣ маҳсуб ёфта, ҳар сол як маротиба гузаронида мешавад. Дар ин намоишгоҳ зиёда аз 7.400 нашриёту чопхонаҳо аз 100 кишвари ҷаҳон ширкат меварзанд. Иштирок дар ин намоишгоҳ ба ширкаткунандагон ҷиҳати муаррифии китобҳо, ба роҳ мондани робитаҳои корӣ бо ширкатҳои нашр ва паҳнкунандаи китобу маҷаллаҳо, корхонаҳои истеҳсолкунандаи дастгоҳҳои муосири чопкунӣ, табодули малака бо мутахассисони соҳа, инчунин муаррифии дастовардҳои илмиву фарҳангии кишварҳо имкониятҳои беҳтаринро фароҳам меоварад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!