Абдуҷаббор Раҳмонов: Ба бонувони омӯзгор 10 телевизор тақдим мекунам

Бетағйир қабул шудани моддаи 8, банди 14-и қонун  «Дар бораи масъулияти волидайн дар тарбияи фарзанд», ки ба масҷид рафтани хонандагон ва донишҷӯёнро манъ мекунад, барои беҳтар гардидани сатҳи саводнокии муҳассилин мусоидат хоҳад кард.

---

Ин ҳарфҳоро вазири маорифи Тоҷикистон Абдуҷаббор Раҳмонов зимни мулоқоташ бо устодону    донишҷӯёну Донишгоҳи омӯзгорӣ иброз дошт. Ин нишаст, ки ба ифтихори ҷашни Ваҳдати Миллӣ баргузор гардид, бо сухани ифтитоҳии ректори донишгоҳ Зариф Шарифов оғоз ёфт.
Вазири маориф ба қонуни дар боло номбаршуда ишора карда афзуд, дар шариати Ислом низ илмомӯзӣ дар ҷои аввал меистад, аз ин рӯ қабули қонун дар ин самти масъулияти волидайн  айни муддаост. Дар поёни вохӯрӣ муаллимон ва толибилмони ин таълимгоҳи олӣ ба саволҳои худ посух гирифтанд ва Раҳмонов ба 60 нафар омӯзгорони донишгоҳ тӯҳфаҳои хотиравӣ, аз қабили телевизор, видеомагнитофон, соат ва курта тақдим кард. Ӯ ҳамчунин ваъда дод, ки рӯзҳои наздик 10 адад телевизор барои занон-омӯзгорони донишгоҳ тӯҳфа хоҳад кард.{jathumbnail off}  
Мӯҳр