Русский  >>  فارسی  >>  Панҷшанбе 8 декабр 2016, 08:58

Русия мӯҳлати сабти номи муҳоҷирони тоҷикро тамдид кард

8 феврал 2013, 16:09


Созишнома дар бораи ҳузури шаҳрвандони Тоҷикистон дар Русия ба имзо расид.

Имрӯз, 8-уми феврал Сафиаллоҳ Девонаев, раиси Хадамоти муҳоҷирати Тоҷикистон ва Константин Ромодановский, раиси Хадамоти федеролии муҳоҷирати Русия зери созишнома дар бораи ҳузури шаҳрвандони Тоҷикистон дар Русия имзо гузоштанд.

Бар пояи созишномаи нав, шаҳрвандони Тоҷикистон ҳангоми сафар ба Русия метавонанд давоми 15 рӯз худро дар ниҳодҳои марбутаи он кишвар сабти ном кунанд. Айни замон мӯҳлати сабти номи шаҳрвандони Тоҷикистон дар Русия як ҳафта муқаррар шудааст.

Мавриди ёдоварист, Маскав ба тамдиди мӯҳлати буду боши шаҳрвандони Тоҷикистон дар Русия ба ивази тамдиди буду боши пойгоҳи низомии Русия дар Тоҷикистон розӣ шуд. Ҳукуматҳои ду кишвар дар ин бора зимни сафари раисиҷумҳури Русия Владимир Путин ба Тоҷикистон дар моҳи октябри соли гузашта ба мувофиқа расиданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!