Русский  >>  فارسی  >>  Якшанбе 4 декабр 2016, 00:46

Боздошти Саидов бо иттиҳоми ҷашни бодабдабаи зодрӯз

27 феврал 2013, 17:05

Мақомоти корҳои дохилии шаҳри Душанбе бо иттиҳоми таҷлили бодабдабаи рӯзи мавлуд дар тарабхонаи “Сомониён”-и пойтахт ҷавонеро боздошт кардаанд.

Тавре аз Вазорати умури дохилии Тоҷикистон ба хабаргузории “Озодагон” иттилоъ доданд, пулиси ноҳияи Фирдавсӣ дар тарабхонаи Сомониён, воқеъ дар кӯчаи Крупскии шаҳри Душанбе, Сиёвуш Саидови 20 сола, зодаи ноҳияи Балҷувон, истиқоматкунандаи шаҳри Душанберо бо ҷурми риоя накардани талаботи қонуни Тоҷикистон “Дар бораи танзими анъана ва ҷашну маросимҳо” боздошт намудаанд.

Ба иттилои манбаъ Сиёвуш Саидов, рӯзи 26-уми феврал, бо ҳамроҳии ҳамсинфон, хешу таборон ва даъвати ҳофизон мавлудашро ҷашн гирифта, алайҳи қонун амал кардааст. Манбаъ афзуд, ки тибқи талаботи моддаи 8-и қонун ҷашни зодрӯз танҳо дар доираи оила гузаронида мешавад. Барои нақзи ин меъёр нисбати Сиёвуш Саидов бо моддаи 481 Кодекси ҳукуқвайронкунии маъмурии Тоҷикистон протоколи маъмурӣ тартиб дода шудааст.

Манбаъ таъкид кард, ки барои иҷрои назорати қонун дар бораи танзими ҷашну маросимҳо бо супориши вазири корҳои дохилӣ, генерал-лейтенанти милитсия Рамазон Раҳимов гуруҳҳои махсуси корӣ таъсис дода шудаанд, ки ҳамарруза дар ин самт фаъолият мебаранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!