Русский  >>  فارسی  >>  Душанбе 21 август 2017, 07:47

Додгоҳи олии Испания аз пӯшидани ҳиҷоб ҳимоя кард

2 март 2013, 11:47

Додгоҳи олии Испания қарори раёсати шаҳри Ларидаи ин кишварро, дар мавриди манъи пӯшидани ҳиҷоб дар ҷойҳои ҷамъиятӣ бекор кард.

Тавре хабаргузориҳои ин кишвар иттилоъ медиҳанд, Додгоҳи олии Испания, қарори шаҳрдории Ларидаро ба хотири мухолифаташ бо қонуни озодии виҷдон дар ин кишвар лағв намуда, хатар доштани пӯшидани ҳиҷобро ба амнияти Испания беасос хонд. Додгоҳ далели ин ҳукмашро, инчунин дар он гуфтааст, ки манъи ҳиҷоб боиси аз хона набаромадани занҳои ҳиҷобпӯш ва аз ҷомеа ҷудо шудани онҳо мегардад.

Чанде қабл шаҳрдории шаҳри Ларидаи Испания пӯшидани ҳиҷоб дар ҷойҳои ҷамъиятиро ба далели хатар доштани он ба амнияти ин кишвар мамнуъ эълон намуда буд. Гуфта мешавад, ҳукми Додгоҳи олии Испания оиди иҷозати ҳиҷобпӯшӣ, дар пайи даст ба гирдиҳамоӣ задани шаҳрвандони мусулмони ин кишвар, ки ҳудуди якуним миллион нафар арзёбӣ мешаванд, содир гардидааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!