Русский  >>  فارسی  >>  Якшанбе 4 декабр 2016, 11:10

Файзиннисо Воҳидова мегӯяд, дар баҳс бо “Тоҷирон” худро гунаҳкор намедонад

6 март 2013, 11:58

Даъвои ширкати “Тоҷирон” бо вакили мудофеъ Файзиннисо Воҳидова ва нашрияи “Имрӯз Нюс”, ки қарор буд рӯзи 11-уми март (рӯзи матбуоти тоҷик) дар Додгоҳи иқтисодии Душанбе доир шавад, ба 14-уми март вогузор шуд. Дар ин бора ба “Озодагон” Рустами Ҷонӣ, муассиси “Имрӯз Нюс” хабар дод.

“Тоҷирон” аз болои Файзиннисо Воҳидова ва “Имрӯз Нюс” ба Додгоҳи иқтисодии шаҳри Душанбе шикоят бурда, аз вакили мудофеъ 50 ҳазор сомонӣ ва аз нашрия 1 сомонӣ ҷуброн талаб кардааст. Эътирози ширкати “Тоҷирон” аз нашри матлабе бо номи "Мурдафурӯшӣ дар ширкати "Тоҷирон" (Имрӯз Нюс) аст, ки аз ҳодисаи садамаи автомашинаи боркашонии ҶДММ "Тоҷирон" ва автомашинаи сабукрав дар роҳи Душанбе-Хуҷанд нақл мекунад.

Ин дар ҳолест, ки Файзиннисо Ваҳидова, вакили мудофеъ, дар суҳбат бо хабаргузории “Озодагон” гуфт, барои созиш бо ҳеч тараф розӣ намешавад ва дар ин баҳс худро гунаҳкор ҳам намеҳисобад. “Дар рӯзнома ин матлаб дар шакли мусоҳиба чоп шудааст ва ман муаллифи матлаб нестам, балки ҳамчун ҳуқуқшинос ба суолҳо посух ва баҳои ҳуқуқӣ додаам.” Гузашта аз ин, Воҳидова баррасии ин парванда дар Додгоҳи иқтисодиро нодуруст ҳисобида ва ният дорад, дар ин замина ба додгоҳ дархост пешниҳод кунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!