Русский  >>  فارسی  >>  Шанбе 3 декабр 2016, 14:36

Убайдуллоев барои ташкили “дискотека” иҷозат дод

6 март 2013, 18:05

Шаҳрдории Душанбе барои баргузории нахустин шабнишинии “Дискотекаи солҳои 80-ум” дар пойтахти Тоҷикистон иҷозат додааст.

Тавре аз шаҳрдорӣ ба хабаргузории “Озодагон” иттилоъ доданд, Маҳмадсаид Убайдуллоев, раиси Душанбе, бо имзои қароре ба рӯзномаи «Вечёрка» ва Маркази фарҳангии «Аржанг» иҷозат додааст, ки нахустин шабнишинии “Базми солҳои 80 – 90-ум”-ро баргузор кунанд. Ин базм ба ифтихори «Рӯзи модар», 8-уми март дар тарабхонаи “Меҳмонсарои пойтахт” аз соати 18:00 то 22:00 ба нақша гирифта шудааст.

Тавре созмондиҳандагони ин базм ба хабаргузории “Озодагон” гуфтанд, дар доираи ин базм навори видеоии Душанбе дар солҳои гузашта намоиш дода шуда, зери навои машҳури солҳои 80-ум (Boney M, Modern Talking, Kaoma, C.C.Catch, Al Bano, Mauro, Desireless, «Гулшан») чорабиниҳои шавқовар ба нақша гирифта шудаанд.

Убайдуллоев ба раёсати корҳои дохилӣ ва амнияти миллии Душанбе дастур додааст, ки амнияти иштирокчиён ва риояи тартиботи ҷамъиятиро зимни ин шабнишинӣ таъмин кунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!