Русский  >>  فارسی  >>  Якшанбе 4 декабр 2016, 13:11

Дипломати англис истифодаи кӯмакҳояшро дар Тоҷикистон назорат мекунад

15 март 2013, 16:48

Колин Робертс, сардори раёсати Аврупои Шарқӣ ва Осиёи Миёнаи Вазорати корҳои хориҷаи Бритониё аз 18 то 20-уми март дар Тоҷикистон хоҳад буд.

Тавре аз сафорати Британияи Кабир дар Тоҷикистон ба хабаргузории “Озодагон” иттилоъ доданд, ин сафари аввалини Робертс ба Тоҷикистон буда, дар назар аст, ки ӯ татбиқи барномаҳоеро, ки бо кӯмаки Британия амалӣ мешаванд, назорат кунад.

Инчунин дар назар аст, ки бо намояндагони олимақоми ҳукумати Тоҷикистон вохурӣ анҷом медиҳад ва вазъ дар Тоҷикистон, Осиёи Миёна ва Афғонистонро баррасӣ менамояд. Робертс боздид аз вилояти Бадахшонро низ ба нақша гирифтааст. Масъулини сафорати Британия дар Душанбе мегӯянд, Робертс аз таълимгоҳи бозомузии кормандони қушунҳои сарҳадии Созмони Амният ва Ҳамкорӣ дар Аврупо (САҲА) низ дидан мекунад.

Ин кишвар ҳамасола тавассути барномаҳои Департаменти Рушди Байналхалқии Бритониё дар ҳудуди як дарсади даромади миллиашро барои кишварҳои рӯ ба рушд, аз ҷумла Тоҷикистон ироа мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!