Русский  >>  فارسی  >>  Чоршанбе 7 декабр 2016, 17:32

Духтари Ислом Каримов сактаи қалбии падарашро дурӯғ номид

27 март 2013, 10:28

Гулнора Каримова, духтари раисиҷумҳури Узбакистон, шоеа ё овозаҳо дар мавриди сактаи қалби падарашро такзиб кардааст.

Духтари раисиҷумҳури Узбакистон рӯзи 26-уми март дар посух ба яке аз истифодабарандагони шабакаи «Twitter», ки бо забон англисӣ пурсидааст, "дар мавриди бемории раисҷумҳур чӣ гуфта метавонед? Оё ин ҳақиқат дорад? Барои густохиам пӯзиш мехоҳам» («what do you say about the illness of the president. Is it right? Sorry for rudeness») гуфта, ки "кадом раисиҷумҳур? Дар ин бора суҳбат намудан хеле ахмақона мебошад, дар сурате ки дида будем, расиҷумҳури мо дар ҷашни наврӯзӣ тақрибан 20 дақиқа рақс намуд» («Which President? Smn should be more than crazy to say so after seeingOUR PRESIDENTdancing at Navruz show for at least20min straight»)

Инчунин хонум Каримова баъдтар ба истифодабарандаи дигари ин шабака ба забони узбакӣ посух додааст, ки "ҳеҷ набошад, чашмони худро боз намуда, ақаллан ба ҷашнҳои расмӣ нигаред. Ӯ ранҷ мебарад, то Шумо зиндагӣ намоед))). Беҳуда талош накунед, ки бо ингуна суханҳои пуч асаби маро хароб намоед. Бархеҳо бо талошҳои чандинсолаи худ дар ин маврид комёб нагардидаанд, бечораҳо аз дунё рафтаанд. Беморанд)))"

Дар ҳамин ҳол, расонаҳо мегӯянд, ки интизор меравад, Ислом Каримов, раисиҷумҳури Узбакистон рӯзи 15-уми апрел бо як сафари расмӣ озими Маскав шавад. Ёдрас менамоем, чанде қабл сомонаи расмии Ҳаракати мардумии Узбакистон ба раҳбарии Муҳаммад Солеҳ, яке аз мухолифони умдаи ҳукумати Ислом Каримов хабар дода буд, ки раисиҷумҳури Узбакистон шоми 19-уми март сактаи дил ё инфарктро пушти сар намудааст. Ҷаноби Солеҳ бо ишора бар ин ки дар ин бора яке аз наздикони Каримов ба ӯ иттилоъ додааст, гуфта буд, ин хабарро аз як манбаи қобили эътимод дастрас намудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!