Дар Тюмен «Қуръон»-ро бо «Майн кампф»-и Ҳитлер қиёс мекунанд

Дар Русия Қуръонро бо «Майн Кампф» баробар медонанд.

---

Рӯзномаи «Молодежная трибуна Тюменской области» («Минбари ҷавонони вилояти Тюмен»)-и Русия бо қиёс  кардани китоби Қуръони маҷид  бо китоби Адолф Ҳитлер «Майн кампф» («Муборизаи ман») миёни мусулмонони ин минтақа як вокуниши ҷиддиеро ба бор овардааст.  Муаллифи мақола Александр Клинков тақозо кардааст, то ояҳои Қуръон барои доштани мазмунҳои экстремистӣ ташхис карда шаванд ва агар ин ояҳо барои мардуми маҳаллӣ  маъқул набошанд, он ҳатман, ки экстремистӣ дониста шавад ва ё аз нав бознависӣ шуда ба мисли китоби масеҳиён «Инҷил»  вобаста ба рӯҳи замон таҳрир шавад.

-Исломи хуб умуман мавҷуд нест- менависад муаллиф.  Дар китоби «сабзак»-и онҳо доиман рӯҳи  экстремизм, шовинизм, миллатгароӣ, эҳсоси ғолиби ҳукумат дар ҷаҳон ва ҷиҳод, ки бо номи «ҷанги муқаддас» муаррифӣ мешавад, таблиғ мешавад. Ва маҳз ҳамин дин ва намунаи зиндагӣ шинохта шуда, эътироф гардидааст, ки инсоният онро дар замони  ваҳшигиаш аз сар гузаронида фаромӯш кардааст, омадааст аз ҷумла дар мақола.

Дар ҳамин ҳол, созмонҳои мусулмонии вилояти Тюмен бо ирсоли як номаи шикоятӣ унвони додситонии ин минтақа тақозо кардаанд, то рӯзнома ва муаллифи мақоларо барои ангехтани низои милливу мазҳабӣ ва паст задании шарафи гаравандагони адёни мутақобил мутобиқ ба қонунгузории кайфарии кишвар ба ҷавобгарии ҷиноӣ бикашанд.{jathumbnail off}

 

Мӯҳр