Русский  >>  فارسی  >>  Якшанбе 4 декабр 2016, 00:46

БДА афзоиши садамаҳоро “айб”-и роҳҳо донист

29 март 2013, 17:28

Масъулони Бозрасии давлатии автомобилии Тоҷикистон (ГАИ) афзоиши садамаҳои нақлиётӣ дар се моҳи охирро ба вазъи роҳҳои кишвар вобаста донистанд.

Маҳмадшариф Шамсов, масъули шӯъбаи ташвиқоту тарғиботи ин ниҳод, ба “Озодагон” гуфт, дар се моҳи гузашта 240 садамаи нақлиётӣ сабт шудааст, ки бар асари он 74 тан ҷон бохта, 254 нафари дигар захмӣ шудаанд. Ба қавли мусоҳиби мо, ин рақам дар муқоиса ба ҳамин давраи соли гузашта 18 адад бештар будааст.

Ҷаноби Шамсов дар шарҳи сабаби афзоиши садамаҳо гуфт, “дар баъзе минтақаҳо зиёдшавии садамаҳо ба ҳолати роҳҳо вобастагӣ дорад. Инчунин, бисёре аз сонеҳаҳо аз беэҳтиётии ронандагон рух медиҳад.”

Қудратулло Шоев, масъули дигари Раёсати бозрасии давлатии автомобилӣ, афзоиши садамаҳоро бештар ба риоя нагардидани қоидаҳои ҳаракат дар роҳ марбут медонад. Ӯ мегӯяд, “баъзеи ронандаҳо намедонад, ки аломати роҳ чӣ маъно дорад. Дар маҳаллаҳои аҳолинишин бояд суръати ҳаракат набояд аз 60 километр соат зиёд бошад, аммо бархе ронандаҳо ба ин нигоҳ накарда суръати ҳаракатро баланд мекунанд, ки бисёр вақт бо садама анҷом меёбад.”
Ин дар ҳолест, ки ронанда Амиршо Зоиров, сокини ноҳияи Файзобод, яке аз сабабҳои аслии сар задани садамаҳои нақлиётиро дар “беэҳтиромии ронандаҳо” мебинад. Ӯ мегӯяд, “бисёр вақт мушоҳида кардаам, ки дар роҳҳои Тоҷикистон ронандаҳо нисбат ба якдигар эҳтиром надоранд. Бархе ронандаҳои мо бисёр бесабранд. Ба саросемагӣ роҳ дода суръати ҳаракатро аз ҳад зиёд баланд мекунанд.”

Раёсати бозрасии давлатии автомобилии ВКД мегӯяд, қоидаи ҳаракат дар роҳҳои Тоҷикистон суръати ҳаракатро барои ҳама намуд воситаи нақлиёт муқаррар кардааст. Аз ҷумла, ронандаҳо дар роҳҳои наздик ба маҳаллаҳои аҳолинишин набояд зиёдтар аз 60 километр соат суръати ҳаракатро баланд намоянд. Ба қавли манбаъ, дар сурати риоя накардани ин меъёр аз ронандагон ҷарима ба ҳисоби аз 40 тог 120 сомонӣ ҷарима ситонда мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • ronanda

  • 15 май 2013 22:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
sababi asosii sadamaho dar rohhoi poitaht in ronandagoni mashrutkaho, taksiho meboshand. Agar dar nuktai istgohi ohironi in mashrutkaho va taksiho nigoh kuned hamaasho ba koidahoi harakati roh va alomathoi dar roh guzohtashuda rioya nakarda tavvakuf mekunand. Baroi ji nozironi bozrasii davlatii ba in ahamiyat namedihand?

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!