Русский  >>  فارسی  >>  Ҷумъа 9 декабр 2016, 01:00

Ҳимояти Нуриддин Саидов аз донишҷӯёни ихроҷшуда

2 апрел 2013, 12:44

Нуриддин Саидов, вазири маорифи Тоҷикистон, дар робита ба ихроҷи чаҳор донишҷӯи тоҷик аз Донишгоҳи давлатии Аштархон (Астрахан)-и Русия ба роҳбарияти он нома фиристодааст. Дар ин бора ба “Озодагон” сухангӯи Вазорати маорифи Тоҷикистон, Маҳмудхон Шоев, хабар дод.

Ӯ гуфт, дар нома аз раҳбарияти Донишгоҳи Аштархон дархост шудааст, то иҷоза бидиҳанд, ки чаҳор донишҷӯи тоҷик ба таҳсили худ идома бахшанд. Ин чаҳор нафар дар пайи муноқиша бо гурӯҳе аз донишҷуёни туркман ҳангоми бозии футбол аз донишгоҳ хориҷ шудаанд. Вазорати маориф мегӯяд, ин донишҷӯёни тоҷик ба гуноҳи худ иқрор кардаанд ва беҳтар аст, ки ҳоло таҳсилашонро идома диҳанд.

Ин чаҳор донишҷӯи тоҷик Умедхӯҷа Додохӯҷаев, Собир Некқадамов, Шоҳрух Маҳмудов ва Аҳрор Нодиров мебошанд, ки дар риштаҳои мухталифи Донишгоҳи давлатии Аштархон таҳсил мекарданд. Онҳо дар пайи ихроҷашон аз донишгоҳ бо номае аз Сафорати Тоҷикистон дар Маскав ва ҳамчунин Вазорати маориф кумак хоста буданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!