Русский  >>  فارسی  >>  Душанбе 5 декабр 2016, 15:31

“Равшан”-и Кӯлоб бо “Ал-Қодсия”-и Қувайт вориди сабқат мешавад

3 апрел 2013, 11:35

Имрӯз, 3-юми апрел, қаҳрамони феълии Тоҷикистон ва ҳамзамон барандаи Ҷоми олии Тоҷикистон, дастаи “Равшан”-и Кӯлоб, дар бозии севуми мусобиқаи гурӯҳии Ҷоми AFC-2013 дар гурӯҳи “D” дар варзишгоҳи “Муҳаммад Ал-Ҳамад”-и шаҳри Қувайт бо тими “Ал-Қодсия”-и Қувайт мубориза мебарад. Оғози бозӣ соати 19:00 бо вақти Қувайт ва 18:30 бо вақти Душанбе.

Дастаи “Равшан”-и Кӯлоб дар нахустин бозии даври гурӯҳии Ҷоми AFC-2013 дар шаҳри Хуҷанд аз тими “Ал-Рамза”-и Урдун бо ҳисоби 0:1 мағлуб шуд. Рӯзи 13-уми март дар меҳмонӣ бо тими “Ал-Шорта”-и Сурия дар варзишгоҳи “Шоҳзода Муҳаммад”-и шаҳри Аззаркаи Урдун рақобат намуда, бо ҳисоби 0:2 ба шикаст рӯбарӯ гардид.

Натиҷаи ду даври мусобиқа дар гурӯҳи “D” чунин аст: Тими “Ал-Шорта” бо 6 имтиёз дар ҷойи аввал. Дастаҳои “Ал-Қудсия” ва “Ал-Рамза” бо 3-имтиёзӣ мутаносибан дар ҷойҳои дуюм ва сеюм қарор доранд. Дастаи “Равшан” бошад бидуни имтиёз дар зинаи охирин қарор дорад.

Ёдовар мешавем, дар даври гурӯҳии Ҷоми AFC-2013 аз Тоҷикистон ду даста- “Равшан”-и Кӯлоб ва “Регар-ТадАЗ”-и Турсунзода ҳунарнамоӣ мекунанд. Футболбозони дастаи "Регар-ТадАЗ", ки аввалин бозии даври гурӯҳии Ҷоми AFC-2013-ро дар гурӯҳи “А” дар меҳмонӣ бо тими “Сафо”-и Лубнон бо ҳисоби 1:1 анҷом дода буданд, рӯзи 12-уми март, дар бозии даври дувум дар шаҳри Хуҷанд аз дастаи “Ал-Риффа”-и Баҳрайн бо ҳисоби 0:3 шикаст хӯрданд. Бозии сеюмашон бошад дирӯз, 2-юми апрел, дар варзишгоҳи марказии шаҳри Хуҷанд бо тими “Қувайт”-и Қувайт анҷом дода бо ҳисоби 1:3 ноком шуданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!