Русский  >>  فارسی  >>  Ҷумъа 9 декабр 2016, 12:42

Эмомалӣ Раҳмон барои чор соли дигар президент шуд

3 апрел 2013, 14:58

Имрӯз, 3-юми апрел дар шаҳри Душанбе, дар ҷаласаи ҳисоботию интихоботии Ассамблеяи XIII кулли Кумитаи миллии олимпии кишвар Эмомалӣ Раҳмон президенти Кумитаи миллии олимпии Тоҷикистон таъин шуд.

Тавре аз Кумитаи миллии олимпӣ ба хабаргузории "Озодагон" иттилоъ доданд, Эмомалӣ Раҳмонро аъзои Ассамблеяи Кумитаи миллии олимпии кишвар ягона номзад ба ин вазифа пешбарӣ карда буданд ва бар асоси Оинномаи КМО ҶТ президенти Кумитаи миллии олимпии Тоҷикистон барои чаҳор сол (2013-2016) интихоб шудааст.

Манбаъ афзуд, ҳамчунин дар ҷаласаи мазкур ба фаъолияти Кумитаи миллии олимпии Тоҷикистон дар 4-соли пешин баҳои қаноатбахш дода, ҳамзамон аъзои нави кумитаи иҷроияи КМО ҶТ ва аъзои Комиссияи назорату тафтишоти КМО ҶТ-ро барои 4-соли интихоб намуданд: “Бо пешниҳоди президенти Кумитаи миллии олимпии Тоҷикистон Маликшо Неъматов муовини аввали президент, Баҳрулло Раҷабалиев дабири кулл ва Муҳаммадшо Абдуллоев мудири кулли КМО ҶТ таъин гардиданд.”

Манбаъ илова намуд, ки Федератсияҳои миллии намудҳои олимпӣ - бокс, варзиши сабук, гуштии озод ва юнониву румӣ, дзюдо, таеквон-до WTF ва футбол аъзои кумитаи иҷроияи КМО ҶТ интихоб шуданд: “Роҳбарони мақомоти давлатӣ, федератсияҳою созмонҳои варзишӣ ва сарпарастон, ки дар рушди варзиш ва тарғибу ташвиқи ҳаракати олимпӣ дар кишвар саҳмгузоранд, Сипосномаи КМО ҶТ супурда шуд. Мураббиёни беҳтарин низ бо мукофоти молӣ қадр карда шуданд”.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!