Русский  >>  فارسی  >>  Якшанбе 4 декабр 2016, 23:26

Дарёфти ҷасад аз бағоҷи мошин дар ноҳияи Рӯдакӣ

8 апрел 2013, 09:30

Мақомоти пулис аз дохили мошини “Опел-Астра” ҷасади соҳиби он Абдуллоев Ҷумахон Холназарович соли таваллудаш 1991-ро дарёфт кардаанд, ки баъди куштор дар бағоҷи мошин андохта шудааст.

Тавре аз Вазорати умури дохилӣ ба хабаргузории “Озодагон” иттилоъ доданд, 1 апрели соли равон соати 16:20-дақиқа ин мошин таҳти идораи шахси номаълум дар дидбонгоҳи БДА, воқеъ дар ағбаи Фахробод ба талаботи кормандони милитсия итоат накарда, бо суръати баланд ба самти шаҳри Душанбе ҳаракат мекард ва дар километри 30-юм дар наздикии деҳаи Алабайтали ҷамоати деҳоти Лоҳури ноҳияи Рӯдакӣ, ба самти муқобили роҳ баромада, ба автомашинаи дигари тамғаи “Опел-Астра” бармехӯрад.

Ин садама боис шудааст, ки мақомоти пулис мошини аз БДА фироркардаро тафтиш намоянд ва аз онҷо ҷасади Абдуллоев Ҷумахон Холназаров бо аломатҳои марги маҷбурӣ дар қисмати рости қафаси сина дарёфт намудаанд.

Вазорати умури дохилии Тоҷикистон мегӯяд, тафтишотро аз рӯи ин қазия шахсан вазир генерал-лейтенанти милитсия Раҳимов Рамазон роҳбарӣ намуд ва ба таври фаврӣ ин ҷинояти вазнин ошкор карда шуд. Айни ҳол дар содир намудани ин куштор ҳамчун гумонбар шаҳрванд Ҷалолов Далер Зафарович соли таваллудаш 1993, истиқоматкунандаи шаҳри Турсунзода, ҷамоати деҳоти Қаратоғ, ки пеш бо моддаҳои 374 ва 244 КҶ ҶТ суд шудааст, дастгир шудааст. Айни замон ба гуфтаи мақомот нисбати далели мазкур корҳои тафтишотӣ идома доранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!