Русский  >>  فارسی  >>  Якшанбе 4 декабр 2016, 06:57

Дидори Раҳмон бо Эштон дар Брюссел

9 апрел 2013, 19:38

Эмомалӣ Раҳмон, раисиҷумҳури Тоҷикистон, дар Брюссел бо Кетрин Эштон, раҳбари сиёсати хориҷии Иттиҳодияи Аврупо, дидору мулоқот кардааст. Бино ба қавли дафтари матбуоти раёсати ҷумҳури Тоҷикистон, дар ин дидор бештар “масоили ҳамкории Тоҷикистону Иттиҳоди Аврупо” баррасӣ шудааст.

Манбаъ мегӯяд, ҷонибҳо бештар ба ҷараёни таҳияи Стратегияи нави Иттиҳодияи Аврупо барои Осиёи Марказӣ барои солҳои 2014-2020 таваҷҷуҳ кардаанд. Ҷаноби Раҳмон гуфтааст, “масоили амниятӣ дар Осиёи Марказӣ пас аз хуруҷи нерӯҳои байналмилалӣ аз Афғонистон, таҳкими мубориза бо терроризму экстремизм, рушди ҳамкории минтақавӣ дар Осиёи Марказӣ, ҳамгироӣ дар соҳаи истифодаи босамари захираҳои обию энергетикӣ ва пешгирӣ аз хатарҳои глобалӣ бояд дар меҳвари муносиботи судбахши Иттиҳоди Аврупо бо минтақаи мо қарор дошта бошанд”.

Гуфта шудааст, ки “тадбирҳои Тоҷикистон барои зиёд намудани интиқоли нерӯи барқ ба Афғонистон дар фасли тобистон, ки дархости ҷониби Афғонистон аст ва бунёди роҳи оҳани Тоҷикистон-Афғонистон-Туркманистон мавриди дастгирӣ ва пуштибонии Иттиҳоди Аврупо қарор хоҳад дошт”.

Эмомалӣ Раҳмон, раисиҷумҳури Тоҷикистон, субҳи нуҳуми апрел бо як сафар ба шоҳигарии Белгия рафт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!