Русский  >>  فارسی  >>  Шанбе 10 декабр 2016, 23:30

Дар мурофиаи додгоҳии ду сокини Хоруғ 61 ҷабрдида пурсида мешавад

12 апрел 2013, 11:43

Додгоҳи олии Тоҷикистон баррасии парвандаи Шерик Карамхудоев ва Димон Ашӯров, ду сокини Хоруғро паси дарҳои баста идома медиҳад.

Шӯҳрат Қудратов, вакили мудофеи Димон Ашӯров, рӯзи панҷшанбе 12-уми апел дар суҳбат ба “Озодагон” гуфт, дар ин парванда 61 ҷабрдида ва 12 шоҳид пурсида мешавад, ки то имрӯз 16-17 нафари онҳо пурсида шудаанд. “Ба сифати ҷабрдидагон дар ин парванда онҳое шинохта шудаанд, ки дар амалиёти моҳи июни соли гузашта дар Хоруғ ярадор гардидаанд. Инчунин хешовандони 17 нафар низомиёне, ки тобистони соли гузашта ба ҳалокат расидаанд, ҷабрдида шинохта шудаанд.”

Ин ду сокини Хоруғ дар ҷиноятҳои вазнине амсоли «ташкили иттиҳоди ҷиноӣ», «бетартибиҳои оммавӣ», ва «истифодаи зӯроварӣ ба муқобили намояндаи ҳукумат» айбдор мешавнд.

Димон Ашӯров, яке аз афроди наздик ба Имомназар Имомназаров, собиқ пешвои ғайрирасмии Бадахшон арзёбӣ мешавад, ки тобистони соли гузашта, зимни амлиёти мақомоти қудратӣ дар Хоруғ боздошт гардид. Мавсуф бо гумони қаллобӣ боздошт шуда буд, аммо аз ошёнаи дуюми бинои Раёсати корҳои дохилии вилоят худро партофта, ба беморхона афтид. Моҳи ноябри соли гузашта аз беморхона дар Хоруғ фирор карда, барои табобати пойҳояш ба шаҳри Урумчии Чин рафта буд. Аммо тибқи созишномаи Тоҷикистону Чин моҳи январи соли равон ба Душанбе истирдод шуда то ин муддат дар боздошгоҳи муваққатии Кумитаи амнияти миллӣ қарор дорад.

Шерик Карамхудоев, раиси бахши ҲНИТ дар шаҳри Хоруғ рӯзи 24 июл, дар ҷараёни амалиёти низомӣ алайҳи гурӯҳҳои мусаллаҳ дар маркази Бадахшон боздошт шуда буд. Баъди боздошти Карамхудоев, Шерхон Салимзода, додситони куллӣ Тоҷикистон зимни як нишасти хабарӣ дар ҳузури хабарнигорон гуфта буд, “вақте Карамхудоев дастгир карда шуд аз ӯ як автомат, як граната, ду магазин бо тирҳояш мусодира карда шуд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
HUKUMATI TOJIKISTON MAN AZ SHUMO EHTIROMONA XOHISH MEKUNAM, KI DUSTI VA ITTIFOK DAR BAYNI MARDUMI TOJIKISTON AFKANED. DUSHMANI NAANDOZED BAYNI MARDUMI TOJIK. MARDUMI BADAXSHONRO JUDO NASOZED AZ TOJIKISTON, TOJIKISTON XONAI OBODI MO AST, BADAXSHON YAK KISMI JUDONASHANVANDAI TOJIKISTON AST. MASALAHOI SIOSIRO DAR BADAXSHON BA TAVRI INSONI - ODAMI HAL KUNED..BA TARIKI SULOH NE...HIKIMATI TOJIKISTON AZ KORI SHUMO NATIJAE MEVAROYAD, KI SHUMO MEXOHED KI MARDUMI BADAXSHONRO TAHTI FISHORI XUD KAROR DIHED??? BA NAQSHAKASHIHOI BEMANI, BEASOS SHURU NAKUNED, TOBISTON SOLI GUZASHTA BO SHUMO FAKAT 12-15 KAS JANG KARDAND LEKIN IMSOL XUDO NASIB NAKUNAD TAMOMI BADAXSHON BA YO MEXEZAD...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!