Русский  >>  فارسی  >>  Якшанбе 11 декабр 2016, 14:59

Ягона омӯзгори информатикаро дар Рӯдакӣ “облава” карданд

18 апрел 2013, 17:04

Фаридун Ҳасанӣ, омӯзгори ҷавон ва ягона мутахассиси фанни информатикаи Гимназияи тоҷикӣ-русии ба номи Пушкин дар Рӯдакӣ, дар ҳоле ба хидмати ҳарбӣ ҷалб шуд, ки мақомот ваъдаи муваққатан ба қувваҳои мусаллаҳ набурданашро додаанд.

Ҷамшед Маҷидов, муовини директори гимназияи мазкур, ба “Озодагон” гуфт, “Фаридун барои пешниҳоди ҳуҷҷатҳое, ки дар мавриди омӯзгори ҷавон ва ягона фарзанди қобили меҳнат дар хонаводаашонро собит мекард, ба комиссариати ҳарбии ноҳия рафт. Ба ҷои он ки тавре қаблан ваъда карданд, ӯро муваққатан аз рафтан ба сафи қувваҳои мусаллаҳ озод созанд, ӯро ба аскарӣ бурдаанд.”

Ба қавли ҷаноби Маҷидов, Фаридуни 24-сола ягона мутахассиси ҷавони фанни информатика буд ва ҳоло хонандаҳо аз хондани ин дарс маҳруманд: “Гузашта аз ин, дар оилаашон вай ягона писари қобили меҳнат ба ҳисоб меравад. Падараш чанд сол қабл вафот кард. Як бародар дорад, ки бемории рӯҳист. Модараш ҳам муаллима шуда кор мекунад.”

Муовини директори Гимназияи тоҷикӣ-русии ба номи Пушкин дар ноҳияи Рӯдакӣ мегӯяд, Фаридун Ҳасанӣ ҷавони қобилиятнок буда, ба унвони як омӯзгори соҳибистеъдод муаррифӣ шудааст: “Ба хизмати ҳарбӣ бурдани вай барои муассисаи мо сангин уфтод. Чанд моҳ баъд хатмкунандаҳои гимназия имтиҳон доранд, ҳоло бидуни муаллим намедонем чӣ кор кунем.”


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар ин давлат конун хай йо не дар кухистонхо бо тарзи мачбури омузгорхора бахизмат мебаран хол инки дар кухистон омузгор нест нав дар донишгох тамом мекунан дар мактабхо дарс метийан ки вайани камад мебийод мебардорадшон дар мактаб омузгор намондай ин чи бесохиби хай. Шармандаги

Ин чи бедоди аст шармандаги

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!