Русский  >>  فارسی  >>  Сешанбе 6 декабр 2016, 05:48

Муовини вазир се сабаби харобшавии роҳҳои нави Тоҷикистонро номбар кард

23 апрел 2013, 09:20

Шералӣ Ганҷалов, муовини нави вазири нақлиёт, ки моҳе пеш аз ҷониби раисиҷумҳур Эмомалӣ Раҳмон ба ин симмат таъин гардид, баъд аз омӯзиши вазъи роҳҳои кишвар се сабаби харобшавии онҳоро номбар кардааст.

Ганҷалов зимни ҷаласаи мушовараи Вазорати нақлиёти Тоҷикистон изҳор доштааст, ки сабаби аввали харобшавии роҳҳои нави кишвар риоя нагардидани талаботи роҳсозӣ аст. Муовини вазир гуфт, “дар ноҳияи Қумсангир замини лалмиро обёрӣ карда, сатҳи рӯи роҳро хароб кардаанд.”

Инчунин Ганҷалов аз он изҳори нигаронӣ кардааст, ки дар гузаргоҳҳои гумрукии Тоҷикистон мошинҳои 70-тоннаиро 40 тонна нишон дода гузаронда истодаанд: “Тарозу ё истифода намегардад, ё кор намекунад. Пешниҳод ин аст, ки ё аз он соҳили Амударё мошинҳои мо 40 тоннагӣ бор гирифта оранд ё дар ин соҳил барои нигаҳдошт, баркашӣ, фароварду боркунӣ шароити лозима фароҳам сохта шавад.”

Дар ҳамин ҳол Низом Ҳакимов, вазири нақлиёти Тоҷикистон, низ вазъи нигаҳдории роҳҳои бо нархи гарон сохташудаи кишварро нигаронкунанда хонда, иллати асосии харобшавии роҳҳоро дар сифати бади масолеҳу тарзи сохтмони онҳо арзёбӣ кардааст.

Ин нигаронии масъулини нақлиёт дар ҳолест, ки тамоми роҳҳои нави кишвар танҳо баъди қабул аз ҷониби комиссияи давлатӣ мавриди истифода қарор мегиранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!