Русский  >>  فارسی  >>  Якшанбе 4 декабр 2016, 04:55

"Террористон дар Тоҷикистон аз номи Ислом сӯиистифода мекунанд"

30 апрел 2013, 10:12

Кумитаи амнияти миллии Тоҷикистон мегӯяд, дар 4 моҳи соли ҷорӣ 75 узви созмонҳои террористиро боздошт кардаанд, ки миёни онҳо худкушон низ ҳастанд.

Ин нуктаро дар мулоқот бо муҳассилини Донишгоҳи омӯзгории Тоҷикистон, полковники Кумитаи давлатии амнияти миллӣ А.Авғонов таъкид карда, ҷавононро аз пайравӣ ба ҳар гуна гуруҳу созмонҳои шубҳаовар ҳушдор додааст.

Тавре сомонаи Донишгоҳи омӯзгорӣ аз қавли Авғонов иттилоъ медиҳад, ташкилоту ҳизбҳои ифротгарою террористӣ аксар ҳолат зери ниқоби дини мубини Ислом ҳадафҳои ношоистаашонро амалӣ менамоянд: “Бинобар ин, ҷавононро мебояд, ки зиракии сиёсиро аз даст надиҳанд ва фирефтаи ҳар гуна равияву созмони бадкеш нагарданд.”

Авғонов аз ҷумла аз ҳизби Таҳрир, ҷараёни Салафия ва ҷамоати Таблиғ ёдрас шуда, ҳадафҳои ғаразноку манфиатхоҳонаи онҳоро ташреҳ додааст. Ба таъкиди ӯ, фаъолияти ташкилоти мазкур дар қаламрави Тоҷикистон манъ аст, "вале онҳо бо василаҳои гуногун ҷавононро ба доми фиреби худ дароварда, аъмоли зишту ваҳшиёнаи хешро, ки бар зарари ҷомеаи ҷаҳонӣ мебошанд, тавассути ҷавонон пиёда мекунанд."

Ба иттилои Авғонов, то ин муддат бештар аз 500 узви ҳизби Таҳрир дар Тоҷикистон зиндонӣ шудаанд. Дар радифи ҳизби Таҳрир, ҷараёни Салафия ва ҷамоати Таблиғ, ҳамчунин, А.Авғонов аз ҷамоати Ансоруллоҳ, Ҳаракати исломии Узбакистон, Алқоида ва Толибон ном бурда, шомил шудан ба онҳоро қатъиян мамнӯъ донистааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!