Русский  >>  فارسی  >>  Якшанбе 4 декабр 2016, 13:09

“Foreign Policy” Оғохони 4-ро аз таъсиргузортарин чеҳраҳои дунё хонд

3 май 2013, 14:19

Маҷаллаи бонуфузи амрикоӣ, “Foreign Policy” рӯйхати 500 чеҳраи таъсиргузортарини ҷаҳонро дар соли 2013-ум таҳия кардааст.

Ба ин рӯйхат шахсоне дохил шудаанд, ки ба башарият ва ҷаҳон дар маҷмуъ таъсири назаррас доранд. Ин маҷалла рӯйхаташро бо назардошти баҳогузориҳои дигари байналмилалӣ, аз ҷумла бо назардошти номгӯи одамони бонуфузтарин аз нигоҳи Forbes, Wall Street Journal, Vanity Fair, Fortune, Thomson Reuters ва дигарон таҳия кардааст. Муаллифони рӯйхат аз ҷумла ба қудрати сиёсӣ, мансаби давлатӣ, қудрат, идрок ва пул баҳо додаанд.

Аз ҳама бисёр дар рӯйхати одамони таъсиргузортарини ҷаҳон шаҳрвандони Амрико, 141 нафар ворид шудаанд, ки Барак Обама, раисиҷумҳури ин кишвар дар сархати онҳо қарор дорад. Ҷои дуюмро Чин бо 30 чеҳраи таъсиргузор гирифтааст. Аз Русия дар номгӯй 23 нафар, аз ҷумла Владимир Путин ва Дмитрий Медведев, президенту сарвазири ин кишвар ворид гардидаанд.

Ба ҷуз тоҷир Ринат Аҳметов аз Украина, аз кишварҳои дигари пасошӯравӣ ба ин рӯйхат касе шомил нагардидааст. Оғохони 4, имоми 49-уми исмоилиёни ҷаҳон, ки пайравонаш дар Бадахшони Тоҷикистон низ иқомат доранд, дар рӯйхати чеҳраҳои таъсиргузортарини дунё дар соли 2013 зинаи шашумро касб кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!