04 июн 2013 16:01Тоҷикистон / Иқтисодӣ

Бонки миллӣ: Ширкатҳои мобилӣ муддати дароз қонуншиканӣ мекарданд

Бонки миллии Тоҷикистон бо пахши як изҳорот таъкид мекунад, ки қонунан дар кишвар нишон додани нархи молу хизматрасониҳо бо асъори хориҷӣ манъ буда, тамоми нархномаҳо, тарифҳо ва воҳидҳо бояд танҳо бо сомонӣ ифода ёбанд.

Бонки миллӣ рӯзи 4-уми июн бо пахши иттилоия таъкид мекунад, ки баъзе субъектҳои хоҷагидорӣ, аз ҷумла ширкатҳои мобилӣ муддатҳои тӯлонӣ ин талаботи қонунро нодида гирифта, арзиши хизматрасониҳои худро бо асъори хориҷӣ ва ё воҳидҳои шартӣ нархгузорӣ менамуданд.

Бонки миллии Тоҷикистон таъкид мекунад, ки ҳамчун мақоми ваколатдор барои ислоҳи вазъи мавҷуда дар ин самт мунтазам кор бурда, то ин вақт ба ҷорӣ намудани нархгузориҳои ҳаққи хизматрасониҳою арзиши амвол ва пардохти он бо пули миллӣ дар низоми мактабҳои олӣ ва таҳсилоти умумӣ, чорабиниҳои ба иҷрои Ҳаҷ алоқаманд, гурӯҳи муайяни дукону мағозаҳо ноил шуд: “Ин натиҷа тавассути истифодаи шаклҳои гуногуни таъсиррасонӣ, аз қабили фаҳмондадиҳӣ, огоҳнамоӣ, додани амру супоришҳо, татбиқи ҷаримаҳо ва таҳияи Протоколҳои ҳуқуқвайронкуниҳои маъмурӣ нисбати субъектҳои хоҷагидорӣ муяссар гашт.”

Масъулини бонк мегӯянд, ба мушкилоти мавҷудаи техникӣ нигоҳ накарда, БМТ дар ниҳояти кор ширкатҳои мобилиро барои бо пули миллӣ муқаррар кардани нархи хизматрасониашон водор намуд. Бонки миллӣ таъкид мекунад, ки аслан дар амал тамоми пардохтҳои муштариёни ширкатҳои мобилӣ бо пули миллӣ сурат мегирифт, вале дар тавозунашон бо асъори хориҷӣ ифода меёфт, ба нафъи онҳо набуд.

Ба гуфтаи масъулин аз 1 июни соли равон бо сомонӣ нархгузорӣ шудани хизматрасониҳои мобилӣ, кори муштариёнро ҳангоми ҳисобу китоби хизматрасонии ширкатҳо осонтар мегардонад: “Илова бар ин, бо пули миллӣ ифода ёфтани тарифҳо ва инъикоси бақияи маблағҳо дар суратҳисобҳои муштариёну тавозуни ширкатҳо танҳо ва танҳо ба фоидаи тарафҳо хоҳад буд. Аз як тараф талаботи қонунгузорӣ риоя мешавад, аз ҷониби дигар ба мақому манзалати пули миллӣ арҷ гузошта шуда, ниҳоят ба кам шудани хароҷоти муҳосибию хавфҳои тағйирёбии қурби асъор оварда мерасонад. Инчунин, ин амал шаффофияти хароҷоти маблағҳо ва соддаю фаҳмо шудани ҳисобу китобро бо ширкатҳои мобилӣ таъмин менамояд.”

Бонки миллии Тоҷикистон оғози бо пули миллӣ муқаррар намудани тарифҳои хизматрасонии ширкатҳои мобилиро истиқбол ва дастгирӣ намуда, аз тамоми воҳидҳои хоҷагидорӣ, масъулони мақомоту идораҳо ва шаҳрвандон даъват менамояд, ки ҳангоми истифодаи асъори хориҷӣ талаботи қонунгузориро риоя бикунанд ва эҳтироми пули миллиро, ки яке аз рамзҳои давлатдорӣ ба шумор меравад, дар мадди аввал гузоранд.

Ин изҳороти Бонки миллӣ дар ҳолест, ки баъди гузашта ба истифодаи пулӣ миллӣ хароҷоти шаҳрвандон барои тамосҳои телефонӣ афзоиш хоҳанд ёфт, зеро барои тамосе, ки қаблан як сент гирифта мешуд, акнун 6 дирам ситонда хоҳад шуд.

Мӯҳр

Хабарҳои монанд:

Замониддин

Инчунин Бонки Миллй хатман бояд шарх дихад барои чи 1 сент шаш дирам дакик шудааст!
- Ё чй курби миллиро ширкатхои мобилй дакик мекунанд ё нархи дакикаи сухбат 1 сент намебошад?
Умуман ин масъалаи нархро равшани андозед Озодагон

Ҷавоб диҳед Иқтибос Шикоят

Хаз

Рост як сент чуба 4.75 дирам не шаш дирам будай бачое ки арзонтар бошад шаш дидар долар шашсад мешадми?

Ҷавоб диҳед Иқтибос Шикоят

Мирзохаёт

Ин боз як торочкунии навбатии мардум аст, ки аз руи гуфти масъулони ширкатхои мобили, бо супориши Хукумати Точикистон сурат гирифтааст. Агар ин иддао дуруст бошад, войи мардуми бесохиб!

Ҷавоб диҳед Иқтибос Шикоят

Дурандеш

Сабаби гароншавии арзиши зангхои телефониро ки шарх медихад. Савол ба масъулини Бонки милли: 1-1,5 дирам бештар сарф кардани мардум барои 1 дакикаи сухбат магар фоидаи мардум аст? Чигуна тороч кардани халкро намедонед, боз мардумро содда гумон карда ба чашмашон хок пошидани мешавед.

Ҷавоб диҳед Иқтибос Шикоят

Эзоҳ илова кунед