Ректори Донишгоҳи Хуҷанд: Айби Ҷаннат Усмонова пурра собит нашудааст
Ғафурҷон Усмонов, раиси Донишгоҳи давлатии Хуҷанд, мегӯяд, гунаҳкории Ҷаннат Усмонова, раҳбари факултаи забон ва адабиёти руси Коллеҷи омӯзгории ин донишгоҳ дар мавриди ришвагирӣ пурра собит нашудааст. Вай рӯзи 16-уми июл дар нишасти хабарии худ гуфт, “ҳатто дар пул изи панҷаи муаллима набудааст”.
Оқои Усмонов афзуд, “шахсан чандин бор бо директори Коллеҷ Тоҳирова дар ин бора суҳбат кардам. Ба қавли муаллима Тоҳирова як зан се-чаҳор рӯз пештар ба назди Усмонова барои машварат меояд. Баъд як канвертеро дода ва гуфтааст, ки ин ҳамон ҳуҷҷатҳое, ки Шумо гуфта будед. Муаллима саросема ба куҷое рафтанӣ будаанд, ки канвертро ба котибаашон дода, ба вай зан мегӯянд, то ман омадан, агар вақт дошта бошед истед. Пас аз чанд дақиқа муаллима меоянд, ки дар утоқашон кормандони мақомоти қудратӣ нишастаанд.”
Маъмурони Оҷонси зидди фасоди Тоҷикистон рӯзи 25-уми июни соли ҷорӣ Ҷаннат Усмонова, устоди Коллеҷи омӯзгории Донишгоҳи давлатии Хуҷандро “бо аломатҳои гирифтани пора ба маблағи 250 доллар”, боздошт ва бозпурсӣ карда буданд. Устоди 64-сола баъд аз ду рӯзи он аз манзили худ баромада, дигар барнагашт. Танҳо рӯзи 29-уми июн ҷасади Усмонова дар ҳудуди ноҳияи Спитамен, аз назди соҳили дарёи Сир, пайдо шуд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |