16 ноя 2013 09:41Тоҷикистон / Акс

Савгандхӯрии Раҳмон ба рӯзи 21-умин солгарди Иҷлосияи 16-ум рост омад (АКС)

Имрӯз, 16-уми ноябр, маросими савгандёдкунии Эмомалӣ Раҳмон, раисиҷумҳури тозаинтихоби Тоҷикистон баргузор мегардад, ки ба 21-умин солгарди Иҷлосияи 16-уми Шӯрои Олии Тоҷикистон рост меояд.

Маҳз 16-уми ноябри соли 1992 дар Хуҷанд иҷлосияи 16-уми Шӯрои олии Тоҷикистон ба кори худ шурӯъ карда буд, ки бо раиси Шӯрои олии Тоҷикистон ва раҳбари давлат интихоб шудаани Эмомалӣ Раҳмон анҷом ёфт.

Инак пас аз 21-соли расо Эмомалӣ Раҳмон савганд ёд карда, дигарбора зимоми қудратро дар Тоҷикистон барои ҳафт соли оянда ба даст хоҳад гирифт.

Интизор меравад, ки пас аз маросими савгандёдкунии Раҳмон дар ҳузури намояндагони ду палатаи парлумони Тоҷикистон, ӯ ба майдони Дӯстии Душанбе раҳсипор шавад ва дар ин ҷо гузашти ҳарбии беш аз 5 ҳазор корманди ниҳодҳои қудратиро назорат хоҳад кард.

Ҳаракат имрӯз дар маркази Душанбе манъ буда, донишҷӯёни ҳамаи муассисаҳои таълимии кишвар ба кӯчаҳо рехтаанд. Одил, як донишҷӯи соли сеюм дар суҳбат ба “Озодагон” гуфт, муаллимҳо дар донишгоҳ таҳдид намуданд, ки дар сурати ҳозир нашудан ба истиқболи президент аз донишгоҳ хориҷ хоҳанд шуд: “Мо аз ду тарафи роҳ истода, вақти гузаштани президент парчамафшонӣ мекунем.”

Дар ҳамин ҳол тадобири шадиди амниятӣ ва теъдоди зиёди донишҷӯён боиси он шудааст, ки дар марказ гаштугузор мушкил шуда, бархе аз коргарон натавонистанд, саривақт ба ҷои кор ҳозир шаванд. Ғанӣ, як сокини Душанбе мегӯяд, 1,5 соат боз саргардон аст, лекин то ҳол натавонистааст, аз маҳаллаи Қара боло ба корхонааш, ки дар кӯчаи Мирзо Турсунзода воқеъ аст, ҳозир шавад.

Мӯҳр

Хабарҳои монанд:

Дехоти

Имруз хама дар хона хурсанд буданд, хатто Камоли дар гахвора хоб таббасум мекард,барои он,ки барк доштем.Хамин касамёдкунии Рахмон 3-мохи фасли зимистон давом мекард,бисёр хам нагз мешуд, барои он,ки баркамонро хомуш намекарданд ва мо равшанию гармиро медидем.

Ҷавоб диҳед Иқтибос Шикоят

США

Озодагон, молодцы! Я стал постоянным читателем вашего сайта. Вы теперь даже лучше Азии Плюс. Так держать! Вы лучше всех!

Ҷавоб диҳед Иқтибос Шикоят

США

Дехоти,

Классическая диктатура с восточной окраской. Все на службе одного человека. Даже электроэнергию дают всему народу одинь день для того, чтобы народ посмотрел какой у них крутой диктатор.

Ҷавоб диҳед Иқтибос Шикоят

водянка

Савганд ва касамхури, ин як урфу одати Точикистони озоди мо шудааст.Вакт нишон медихад!

Ҷавоб диҳед Иқтибос Шикоят

Юсуф

Аксҳоро мебинаму замони Шӯравӣ ба ёдам меояд. Мо, донишҷӯёни он вақтҳоро, ана ҳамин тавр маҷбур мекарданд ба намойишҳои идона бароем. Дар даст лавҳаву байрақҳо соатҳои тулонӣ аз Водонасос то к-ри Ҷомӣ дақиқа ба дақиқа қадам мезадем. Сипас боз байрақҳоро ба донишкада бурда, месупурдем. Намеомадӣ, дар балои деканат мемондӣ. Ном ба ном рӯйхат мекарданд. Вале он замон аз замони ҳозира бо он фарқ мекард, ки мо бепул донишу касб мегирифтем, аз ин хотир ҳамаи камбудиҳоро фурӯ мебурдем. Мебинам, ки ин сиёсат заррае тағйир наёфтааст. Ҳамоно донишҷӯён саргардон. Онҳое, ки пулу маблағҳои ҳангуфт сарф карда, комилан аз ҳисоби худ "донишу касб меомӯзанд". Навад фоиз - шартномавӣ! Пас ин ҳақро кӣ ба Вазорати маориф додааст, ки донишҷӯёнро иҷборан ба куча бароранд, ғуломи система бикунанд? Онҳо чанд соатӣ рост истодаанд. Гумон намекунам, ки касе аз ин ҳолаш хуш шуда бошад. Ин ҷониб фикр мекунам, ки, то насли аз 30 сол болои Шӯравӣ аз байн наравад, ҷомеаи Тоҷикистон сохти демократияи воқеиро дар ширинтарин хобаш ҳам нахоҳад дид. Яъне ин ки, тахминан боз 50 то 55 соли дигар. Дареғо!

Ҷавоб диҳед Иқтибос Шикоят

Эзоҳ илова кунед