15 мар 2014 08:43Тоҷикистон / Иқтисодӣ / Тема дня

Ноиби раиси идораи замини Ваҳдат порагирияшро иқрор кард

Агентии назорати давлатии молиявӣ ва мубориза бо коррупсияи Тоҷикистон муовини раиси идораи замини шаҳри Ваҳдат, Табаровро бо иттиҳоми аз як сокини ин шаҳр талаб кардани нуҳ ҳазор доллар пора боздошт кардааст.

Гуфта мешавад, Табаров ин миқдор маблағро бар ивази додани сертификати истифодаи замин хостааст. Муовини раиси идораи замини шаҳри Ваҳдат мехостааст, ин пулро тавассути як миёнарав, ки дар бозори шаҳр ба ҳайси сарроф кор мекардааст, ба даст биёрад.

Ноиби раиси идораи замин дар сабти фаврии мақомоти интизомӣ, ки шабакаҳои давлатии телевизиони Тоҷикистон намоиш доданд, талаби нуҳ ҳазор долларро тасдиқ кард. Ба гуфтаи вай сокини шаҳр гуфтааст, ҳамагӣ шаш ҳазор дорад, аммо ӯ исрор кардааст, ки бояд нуҳ ҳазор биёрад.

Агентии назорати давлатии молиявӣ ва мубориза бо коррупсия мегӯяд, ин боздошт 14 март сурат гирифта ва нисбат ба муттаҳам тибқи моддаҳои 32, қисми 3, ва 319, қисми 4, банди “г”-и Кодекси ҷиноии Тоҷикистон парванда боз шудааст.

Мӯҳр

Хабарҳои монанд:

Саид

Бори кач ба манзил намерасад бузургон гуфтаанд

Ҷавоб диҳед Иқтибос Шикоят

алмоси

Мухтарам! Агентии назорати давлатии молиявӣ ва мубориза бо коррупсия,дар нахияи Хисор як назар кунед,оиди замин фуруши як формулаи нав ёофтагиян бо ин формула озод заминои обиро ба назди хавлиги додо истодан

Ҷавоб диҳед Иқтибос Шикоят

Мусича

Ин бечораи Табаров дар миёни нахангони калони порахури ш.Вахдат мусичаро мемонад. Аз баски сару садохо дар вактхои охир оид ба фасодзадагии шахри Вахдат зиёд шуд ва аз хамин сабаб раиси шахр ва прокуратура иваз гардиданд. Онхо ба сабуки аз ин бало халос шуданд. Акнун макомотро мебоист, ки барои хисобот ба "боло" ва чихеле, ки имруз муд шудааст "натича нишон додан" касеро бояд ба чурми порахури дастгир мекарданд, то ки сару садохо бо хамин хомуш мешуд. Ва инак макомот пас аз хулосаю тахкикот ва назарпурсию маслихат бо афроди баландпоя, ки пушту панохи баъзе нахангони ш. Вахдат ба хисоб мераванд, куррапартои карда, дар нихоят ба хулосае омадаанд, ки арбобонро канор гузошта, хамин мусичаро ба дом афтонанд. Ва инак хамин корро хам карданд. Албатта дар ин чо тахминхои дигар хам хаст, вале бо хамин кифоя мекунем.

Ҷавоб диҳед Иқтибос Шикоят

заминфуруш

оо дар нохияи евони совхози 2 чамоати даштобод мумин раис руирост заминхои обиро мефурушад боз мегуяд ки хамаш ай хдмай чар пашаша касе пишшш намегааа хайрон мемони

Ҷавоб диҳед Иқтибос Шикоят

Нахзати

Ое инхам нахзати буд йо на?Чаро аз узият ба кадом хизб буданашро нагуфтанд. Хааа...аз ин бармеояд,ки у нахзати набуд,балки аъзои ХХДТ буд,аз ин сабаб аз узвияташ хеч сухане гуфта нашуд...

Ҷавоб диҳед Иқтибос Шикоят

зиор

э войеее клнош чи клношшш

Ҷавоб диҳед Иқтибос Шикоят

Эзоҳ илова кунед