24 апр 2014 16:06Оcиёи Марказӣ / Тоҷикистон
Шикояти Амирбек Суфиев аз болои раҳбари “Умед-88” ба Эмомалӣ Раҳмон
Дар номаи Суфиев ба Эмомалӣ Раҳмон, ки дастраси расонаҳо низ шудааст, аз ҷумла омадааст: “Ҷаноби Олӣ ба Шумо ҳамчун падар муроҷиат менамоям, ки кори маро Додситонии кулли кишвар дар чаҳорчӯби қонун омӯхта, хулоса пешниҳод намояд. Чунки ман дар оилаи камбағал ба дунё омадааму модари пир дорам ва ягона нафари таъминкунандаи оила ба ҳисоб меравам.”
Ба гуфтаи Суфиев раҳбари ширкати “Умед-88” гӯиё ӯро дар азхудкунии маблағи ҳаҷмаш ниҳоят калон муттаҳам намуда, аз болои ӯ ба Додситонии кулл шикоят бурдааст. Суфиев таъкид дорад, масъулини ин ширкат мехоҳанд ӯро бо иттиҳоми бофта паси панҷара андозанд.Ин шаҳрванди Тоҷикистон мегӯяд, ҳарчанд ҳоло дар хориҷ аз кишвар ба сар мебарад, вале гӯиё ба ҷони худу пайвандони дар Ватан боқӣ мондааш, эҳсоси хатар дорад. Суфиев дар шарҳи гуфтаҳояш илова намудааст, “дар ҳоле маҷбур шудам Ватанро тарк кунам, ки раҳбарияти “Умед-88” ба ман ҳушдор дода, гуфт, ҳамаи корҳои маро ҷобаҷо мекунӣ аз бонк як миллиону дусад ҳазор доллари амрикоӣ аз ҳисоби амволи худат барои корхонаи ман мегирӣ ва баъд аз Тоҷикистон баромада меравӣ."
Сармуҳосиби “Умед-88” мегӯяд, ӯ зодаи ноҳияи Мастчоҳи вилояти Суғд буда, соли 2011 барои кор ба ин ширкати маъруф даъват шудааст. Вай соҳиби се фарзанд аст ва бино ба иттилои худаш феълан дар Русия ба сар мебарад.
Ин дар ҳолест, ки Муҳаббатшо Баллаев, мудири шуъбаи ҳуқуқии ширкати "Умед-88", тамоми иддаои Амирбек Суфиевро рад кардааст. Ӯ дар номаеба унвонии мо навиштааст, "баъд аз он ки фахмидем, Суфиев гурехтааст, бо ариза ба макомоти қудратӣ муроҷиат намудем. Ариза мавриди баррасӣ карор дорад ва бинобар фош накардани сирри тафтишот ҳоло аз шарҳи пурраи он худдорӣ менамоем. Амирбек Суфиев агар гунахкор набошад, мархамат ба Тоҷикистон омада, бегунохии худро исбот намояд. Аммо ӯ медонад, ки гунахкор аст ва ба ин хотир аз дур бо аризаҳои туҳматомез репутатсияи кории ширкати моро мехоҳад паст занад. Ин амали ӯ ба намакдон туф карданро мемонад. Оид ба он ки дар Тоҷикистон мондани ӯ ба ҷонаш хатар дорад, бори дигар тӯҳмат будани суханони Суфиевро исбот менамояд." Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
