Даъвати The Cotton Campaign барои манъи маблағгузории лоиҳаҳои Узбакистон
The Cotton Campaign бо ирсоли як нома ва гузориш унвонии президенти Бонки ҷаҳонӣ ва сарвари иҷроияи ин ниҳоди моливӣ даъват кардааст, маблағгузорӣ ба тарҳҳои Узбакистонро манъ созад.
Ширкат “нигаронии амиқ”-и худро аз пешниҳоди ду қарзи нав ба бахши кишоварзии Узбакистон – идораи захоири об ва рушди боғдорӣ дар ҷануби Қарақалпокистон баён доштааст. The Cotton Campaign даъват кардааст, то Узбакистон дар самти манъи меҳнати кӯдакон барои ҷамъоварии пахта иқдоми ҷиддӣ нагирад, аз пешниҳоди ин маболиғ худдорӣ шавад.
Дар ин нома гуфта мешавад, “истифодаи меҳнати иҷборӣ дар соҳаи пахтакорӣ дар Узбакистон аз он ҷиҳат нигаронкунанда аст, ки аз ҷониби давлат роҳандозӣ мешавад".
“Ҳукумати Узбакистон ҳамаи заминҳои пахтаро дар ихтиёр дорад ва кишоварзонро ба иҷрои нақша маҷбур мекунад. Кишоварзон бояд пахтаро ба он нархе фурӯшанд, ки давлат муайян мекунад",-омадааст дар нома.
Ба иттилои ширкат, ҳамасола ҳукумат ба таври маҷбурӣ хонандаҳои 16-17-солаи мактабҳо, донишҷӯён, омӯзгорон, кормандони бахши тандурустӣ ва дигар кормандони идораҳои давлатӣ ва хусусӣ, ҳатто бознишастаҳоро барои ҷамъоварии пахта мебарад.
Ҳомиёни ҳуқуқ солҳост, ки аз истифодаи меҳнати кӯдакон барои ҷамъоварии пахта дар Узбакистон нигаронӣ мекунанд. Чанд сол қабл бархе ширкатҳо пахтаи Узбакистонро таҳрим карда, аз харидории он даст кашида буданд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |