30 окт 2014 08:47Тоҷикистон / Сиёсат / Тема дня

Ҳақталошӣ ва ҳукми истирдоди 7 тоҷик барои даргирӣ бо доғистониҳо

Аз 21 нафар тоҷики иштирокчии задухӯрди шаби 28-уми октябр бо доғистониҳо дар анбори ширкати “Рекстрой”-и ноҳияи Сходня феълан ҳукми истирдоди 7 нафарашон бароварда шудааст.

Дар ин бора намояндагии Хадамоти муҳоҷирати Тоҷикистон дар Русия ба "Озодагон" хабар дода, афзуд, ки намояндагони тоҷик аллакай аз ҷои ҳодиса дидан намуда, бо масъулини пулиси ноҳияи Сходняи шаҳри Химкии вилояти Маскав мулоқот намудаанд: “Андрей Хавханов, ноиби шуъбаи пулиси ноҳияи Сходня изҳор доштааст, ки феълан ҷузъиёти ин ҳодиса мавриди омӯзиш қарор дорад ва нисбати ҳамаи иштирокдорони қазия аз рӯи қонунгузории Русия чораандешӣ хоҳад шуд. Аз ҷараёни тафтишот мақомоти тоҷикро огоҳ хоҳем кард.”

Дар ҳамин ҳол ҳукми истирдоди 7 тоҷик дар ҳолест, ки онҳо барои гирифтани маоши яксолаашон аз раҳбарияти “Рекстрой” талош кардаанд.

Иззат Амон, раҳбари Иттиҳоди ҷавонони тоҷик дар Русия дар шарҳи қазия ба “Озодагон” гуфт, Николай, раиси ширкати “Рекстрой” ҳаққи муҳоҷирони тоҷикро надода, бо ҷалби доғистониҳо хостааст, амволи ширкаташро аз анбор дар Сходня ба ҷои дигар барад: “Аммо муҳоҷирони тоҷик монеаи ин кор шуда, талаб кардаанд, ки аввал маошашонро диҳад. Дар натиҷа задухӯрд ба миён омада, доғистониҳо сӯи тоҷикон тир холӣ кардаанд.”
Раҳбари Иттиҳоди ҷавонони тоҷик аз қавли шоҳидони ин ҳодиса афзуд, пулис дар қазия тоҷиконро гунаҳкор намудааст. Ӯ афзуд, ки қаблан бо Николай, корфармои тоҷикон дар Сходня мулоқот кардааст ва ӯ ваъда додааст, ки маоши яксолаи тоҷикон дар ҳаҷми 4 миллион рублро то 10-уми октябр пардохт хоҳад кард, аммо иҷро накардааст.

Иззат Амон муътақид аст, ки қазияи шаби 27 ба 28-уми октябр махсус роҳандозӣ шудааст ва Николай мехоҳад бо мусоидати маъмурини пулис маоши тоҷиконро надода, онҳоро ба ҳар иттиҳом аз Русия хориҷ кунад. Тибқи иттилои ӯ аллакай амволи марбут ба Николай ба дигар ҷой кӯчонда шудаанд.

Мӯҳр

Хабарҳои монанд:

Garib

Бовар кунед агар маошамро 1 моҳ надиҳанд ҷои дигар мекобам. Ба ин бародарон ҳайрон мешавам, ки чихел як сол бемаош, тоқат карда кор мекунанд?!

Ҷавоб диҳед Иқтибос Шикоят

Ситора

Мухтарам Каромат Шарипов Дар кучои ки Хаки Халоли мардуми бечораи Точикро гирифта дихи Ба тамоми Сардорони Мухочирони Точик Хохиш ва илтимос менамоям ки Хаки мардуми бечораро гирифта дихед

Ҷавоб диҳед Иқтибос Шикоят

Ahmad

Агар имруз давлати мо ё хyди мо Тоҷикҳо аз инхел бародари ҳақталаб дастгири накyнем ва инҳоро аз Русия биронандy дигарҳо инро бидонанд ки Тоҷик қадре надорад, дар оянда миллати Тоҷикро ҳар ноҳақие дар сараш анҷом диҳанд, садо баланд нахоҳад кард. Биоед ин ҷавонҳоро барои далери ҳақталаби боло бардоштани номи миллат дастгири кyнем. Инҳо кори нодyрyсте накардан фақат мехостанд маблағи кор кардагии хyдро аз дасти ин касофат бигиранд.

Ҷавоб диҳед Иқтибос Шикоят

Спартани

Мо аз касе ва чизе наметарсем.Мо точики соли 92 нестем,ки чор ифлос бо хай-хайи турку славян ва ким кадом хайкали бекалаи Ленин моро нифок андозанд.Аминам,ки ин миллат чою мавкеъи худро дар хама чо пайдо хохад кард.

Ҷавоб диҳед Иқтибос Шикоят

Эзоҳ илова кунед