27 ноя 2014 11:02Тоҷикистон / Иҷтимоӣ

Боздошти як шаҳрванди Тоҷикистон барои додани “паноҳгоҳ” ба аъзои “ГТА”

Пулиси Маскав як шаҳрванди Тоҷикистонро бо иттиҳоми созмон додани муҳоҷирати ғайриқонунӣ боздошт кардааст.

Ба иттилои пулис Илҳом Исҳоқов 10 тан аз ҳамватанони худро дар хонаи иҷорааш ҷой додааст, ки яке аз онҳо, Абдумуқим Мамадҷонов, узви гуруҳи маъруф ба “ГТА” будааст. Номи гуруҳи “ГТА” тобистони соли равон баъди куштори чанд ронанда ва мусофирон расонаӣ шуд. Матбуоти Русия навишт, гуруҳро шаҳрвандони кишварҳои Осиёи Марказӣ созмон додаанд. Он замон гуфта мешуд, яке аз раҳбарони “ГТА” ба Тоҷикистон фирор кардааст.

Илҳом Исҳоқов ба расонаҳо гуфтааст, аз узви гуруҳи “ГТА” будани Абдумуқим Мамадҷонов хабар надошт. Муҳаббат Паҳлавонова, ҳамсари Исҳоқов ба хабаргузории “Lifenews” гуфтааст, манзилро соли 2013 ба иҷора гирифта ва чанд вақт пеш онро тарк карданд: “Ҳамсояи мо дархост кард, дӯстонашро дар ин хонаи иҷора ҷой диҳем ва мо ҳам розӣ шудем”.

Гуфта мешавад, ҳамсояи Исҳоқов, ки Мамадҷоновро ба ин хона овардааст, ба Тоҷикистон депорт мешавад. 7 тани дигарро низ хатари ихроҷ аз қаламрави Русия таҳдид мекунад.

Мӯҳр

Хабарҳои монанд:

Аюб Эгамов

Ин хама афсонахои бофтаи хадамоти кудратии Руссия аст. Ин гурух махз хамон гурухи ГТА буданаш зери суол аст. Зеро пеш аз ин хамаи фотороботхо хамчун намояндаи нажоди славянй муаррифй мешуд ва хатто як тан шахси зинда монда низ гуфта буд, ки онхо славян буданд. Ин мазхака барои сокит кардани мардуми рус ичро шуд. Умуман инчо саволхо хеле бисёр, хатто бисёре аз русхо низ ба ин спектакл боварй надоранд ва махз хамин хел шуданашро пешгуи карда буданд.

Ҷавоб диҳед Иқтибос Шикоят

Эзоҳ илова кунед