Раъйи 122 кишвари дунё барои узвияти Фаластин дар додгоҳи Гаага
Фаластин ба ҳайси узви нозири Додгоҳи байналмилалии ҷиноӣ пазируфта шуд. Ин қарор дар ҳошияи ҷаласаи охири намояндагони кишварҳои узви додгоҳи мазкур гирифта шудааст.
Ба иттилои расонаҳои хабарии Фаластин, намояндагони 122 кишвари узви Додгоҳи байналмилалии ҷиноӣ дар ҷаласаи мазкур барои қабули Фаластин ба ҳайси узви нозир мувофиқат кардаанд. Мақомоти фаластинӣ мегӯянд, қабул шудани кишвари онҳо ҳамчун узви нозири Додгоҳи Байналмилалии Ҷиноӣ роҳро барои расидагӣ ба шикоятҳояшон тавассути ин додгоҳ ҳамвор мекунад.
Додгоҳи Байналмилалии Ҷиноӣ далели пазируфта шудани Фаластин ба ҳайси узви нозири ин додгоҳро қарори Маҷмаи умумии Созмони Милали Муттаҳид дар моҳи ноябри соли 2012 арзёбӣ кардааст, ки бар асоси он мавқеи Фаластин дар СММ аз узви нозир ба кишвари узву бидуни ҳаққи раъй табдил ёфт.
Ин дар ҳолест, ки ин додгоҳи байналмилалӣ ташкилоти худгардони Фаластинро ҳамчун “мавҷудият”-и сиёсӣ дониста, аз ҳаққи узвият маҳрум карда буд ва мақомоти Фаластин низ тайи чанд сол мешавад, барои дарёфтани узвият дар ин додгоҳ барои шикоят бурдан аз болои қонуншиканиҳои Исроил дар қаламравашон талош доштанд.
Ҳавзаи салоҳияти Додгоҳи байналмилалии ҷиноӣ шомили баррасии иттиҳомоти наслкушӣ, ҷиноят алайҳи башарият, қонуншиканиҳои низомӣ дар қаламрави кишварҳои узв ё давлатҳое мебошад, ки парвандаи онҳо аз сӯи Шӯрои амнияти Созмони Милали Муттаҳид ба ин додгоҳ ирсол мешаванд. Ин додгоҳ як ниҳоди мустақили ҷаҳонӣ буда, мақараш дар шаҳри Ҳейг ё Гаагаи Ҳоланд аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |