Русский  >>  فارسی  >>  Душанбе 18 феврал 2019, 15:01

Санҷиш аз депутатҳои оянда: Хонед, нависед, гап занед!

16 декабр 2014, 17:34

Комиссияи марказии интихобот ва раъйпурсии Тоҷикистон мегӯяд, номзадҳои пешниҳодшударо барои вакилӣ дар парлумон аз рӯи се меъёр санҷиш мекунад.

Абдулманон Додозода, раҳбари дастгоҳи КМИР имрӯз, 16-уми декабр ба “Озодагон” гуфт, шарти якум дуруст навиштани тарҷумаи ҳол аз ҷониби номзад мебошад: “Шарти дувум хондани матн ва сеюм сӯҳбати озод бо забони давлатӣ мебошад. Аз рӯи ин шартҳо маълум мегардад, ки н то куҷо сатҳи забондонии номзад хуб аст. Мо қонун дорем, ки ҳар кас забони давлатиро бояд донад ва номзадҳо низ бояд забони давлатиро хуб балад бошанд”.

Додозода изҳор дошт, сатҳи забондонии номзадҳо аз ҳавазаҳои умумиҷумҳуриявиро комиссияи махсуси КМИР бо ҷалби мутахассисони забондон месанҷад: “Вале номзадҳо ба ҳавзаҳои якмандатаро худи комиссияҳои 41 ҳавза имтиҳон мекунанд.”

Тибқи иттилои КМИР бо номзадҳо ба маҷлиси шаҳру навоҳӣ ва маҳаллаҳо танҳо суҳбат бо забони тоҷикӣ гузаронда мешавад. Дар ҳамин ҳол Шермуҳаммади Шоҳиён, раиси КМИР ҳушдор дод, ки дар сурати балад набудани номзад бо забони давлатӣ мушкил пеш хоҳад омад, аммо ӯ мушаххас накард, ки ин мушкилӣ аз чӣ иборат хоҳад буд.

Шоҳиён инчунин дар посух ба суоли “Озодагон” таъкид намуд, ки назорат мекунанд, то ягон номзад аз номи раисиҷумҳури Тоҷикистон сӯиистифода накунад: “Ҳеч номзад ҳақ надорад аз номи раисиҷумҳури Тоҷикистон суиистифода намояд ва КМИР ин масъаларо таҳти назорат мегирад.”

Раиси КМИР илова намуд, “тақаллубкориҳое, ки дар бораашон аз тариқи ВАО гуфта мешавад, ҳатман меомӯзем ва мавқеи худро муайн мекунем. Тамоми тадбирҳоро меандешем, ки дар ҷараёни интихобот қонуншиканӣ нашавад. Мо бояд ягон хел монеа эҷод накунем, яъне намояндагони ВАО фаъолияти комиссияҳои участкавӣ, раванди интихоботро назорат карда тавонанд, чун кори хабарнигорон ба хотири ислоҳ ва пешрафти кори мо аст”.

Дар навбати худ Акбаралӣ Сатторов, узви КМИР ва раиси Иттифоқи журналистиони Тоҷикистон хостори инъикоси дуруст ва беғаразонаи ҷараёни интихобот аз ҷониби намояндагони ВАО шуда, таъкид кард, ба ҳама журналистон шароити яксон фароҳам шавад: “Дар гузашта ин хел ҳолатҳое буд, ки хабарнигори хориҷиро барои ворид шудан ба участкаҳои интихоботӣ роҳ додаанду, хабарнигори маҳаллиро не. Набояд чунин шавад. Хабарнигорҳо низ набояд аз доираи фаъолияти худ берун баромада, ба рафти интихобот дахолат кунанд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин калимаи "якмандата" бисёр гушхарош аст. Намешавад ягон калимаи дигарро истифода бурд? Хадди акал "якваколата" гуем намешавад? Яъне хавзае, ки дар он номзадхо барои ба даст овардани як ваколат, ки мутаалик ба хамин хавза хаст, мубориза мебаранд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!