Қурбонии навбатии дуди ангишт: Шавҳар вафот кард, занаш дар бемористон аст
Раёсати умури дохилии вилояти Суғд аз ҳалокати як сокини 24-сола дар пайи заҳролудшавӣ аз бӯйи ангишт дар шимоли кишвар хабар медиҳад.
Ин ниҳод мегӯяд, Аҳадҷон Ҳоҷибоев, сокини 24-солаи деҳаи Кучкаки шаҳри Конибодом ҳамроҳ бо ҳамсари 20-солаи худ – Ӯғулой Ҳоҷибоева аз бӯйи ангишт заҳролуд шуда, рӯзи 21 январи соли равон дар ҳолати беҳушӣ ба беморхона интиқол ёфтаанд: “Дар натиҷа Аҳадҷон Ҳоҷибоев бар асари зиёд будани таъсири бӯйи ангишт дар беморхона ба ҳалокат расида, ҳамсараш дар Шӯъбаи эҳёгарӣ қарор дорад”.
Заҳролуд ва ҳалокати сокинон дар вилояти Суғд аз бӯйи ангишт бори аввал нест. Рӯзи 11 январи соли равон низ мақомот дар шаҳри Истаравшан аз ҳалокати як ҷуфти ҷавон хабар доданд: “Тақрибан соати 03:00 Шоаюбов Баҳриддин ва ҳамсараш Ҷумаева Махлиё, ки соли таваллуди ҳар дуяшон 1993 мебошад, дар хонаи истиқоматиашон аз дуди ангишт заҳролуд шуда, ба ҳалокат расидаанд”.
Аз ин пеш, дар шаҳри Ваҳдат аз дуди ангишт як модару 4 кӯдак заҳролуд шуда, ба ҳалокат расиданд. Ба ҳамин минвол теъдоди афроде, танҳо дар соли равон аз дуди ангишт ҷон додаанд, беш аз 10 нафарро ташкил медиҳад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |